無極手工麵.燒烤.私房料理 (已結業)

忙忙碌碌咁又過咗一天，响灣仔見完客經過呢度，望入去睇見裝修幾特別，睇睇門口嘅餐牌有咩食，見有無味精燉湯幾吸引，就決定入去食埋個晚餐。店裡面都幾多坐位喎，裝修有啲古時嘅味道，枱面裝調味料嘅罐似大醬缸，連全部嘅筷子頭都刻有店名。先叫幾個小食，掛住傾謁一不留神全部都係辣嘅😜青瓜放咗蔥花同芫茜，好認真，拍青瓜爽口，又麻又辣又過癮。第一次食蒜泥尖椒皮蛋，個碟好得意，似古時送飯俾官人啲籃。 尖椒好香唔算辣，好食喎。 而皮蛋沾滿辣油又幾特別，如果全部溏心就更好嘞。豬大腸乾淨無異味，好腍又入味，大腸頭有咬口，味道比較辣。煲仔麵個湯好喝，感覺滋補，有豬肚、雞、蟲草花、杞子...豬肚爽腍好嚼，雞肉滑滑，麵條吸引咗湯汁，都好好食呀。茶樹菇姬茸菇豬展湯麵，麵同湯分開上，據說原盅燉湯無添加味精，亦無放鹽，所以味道原汁原味，同事就嫌佢淡，嫌淡可以自己放鹽調味。打開蓋就聞到陣陣菇香，撈起湯渣睇睇，都幾多料架。個人飲湯不嬲都唔落鹽，咁先至飲到鮮味。不過，連麵一齊食就淡咗啲，而且好似晒咗個湯，所以我哋都係淨飲呢個湯，啲麵放埋落煲仔麵度😆燒蒙古羊肉串，烤得好香嘅羊肉，有點點孜然味，好食燒雞泡魚乾送酒一流，又香又甜有咬口，