味道樂居酒屋 (元州街) (已結業)

下午回奶奶家飲湯順便放低大帝俾奶奶(第一次奶奶睇住大帝，估唔到都ok🤣🤣🤣)，我地就去攞藥，買大帝d鞋，夜晚黎味道樂食晚餐。因為晏晝飲左一大湯碗湯，都唔算太肚餓，所以都係叫刺身多。叫左活赤貝，螢光魷魚，池魚王刺身，海膽壽司，野菜牛肉烏冬，鹽燒厚切特上牛舌。螢光魷魚好爽嫩，醃漬過味道又鮮又濃咸，送酒一流。赤貝肉厚鮮甜，爽脆池魚王刺身薄切點d蘿蔔酸汁都唔錯海膽壽司味道甜無怪味，紫菜仲係脆卜卜👍👍一啖食好滿足野菜牛肉烏冬有驚喜，牛肉呈微微粉色，肉質軟嫩，烏冬彈牙好味鹽燒厚切特上牛舌調味剛剛好又彈牙又有汁餐廳似日式居酒屋，環境熱熱鬧鬧。