蒲頭島 (已結業)

冬至嘅前夕，當然就想熱熱鬧鬧，感受一下節日嘅氣氛。嚟到美食集中地，打邊爐似乎係必然嘅選擇。呢度嘅湯底選擇非常之多，有唔少自創嘅口味，而呢個就係人參白玉湯，有人參、栗子、薏米等滋補食材，火滾時飲一碗靚湯，啱晒冬日時節。而食火鍋之前，都有多款小食先，包括新鮮海鮮拼盤，螺肉鮮甜而彈牙，蜆肉無雜質無沙，而芝士焗龍蝦，香味十足，芝士跟龍蝦配搭完美，夠晒開胃。接著係打邊爐時間，牛肉拼盤當然係必叫之選，牛肉粒，牛肩肉，肥牛片一應供應，牛肉香味濃厚，愛肉之人必定會愛不釋手。而豚肉亦帶有豬肉嘅爽勁，牛柏葉亦爽口脷落，絕對不容錯過。呢度唔單止飲品任飲，而自助雪糕亦出色，雲呢拿味道充滿濃郁嘅奶味，口感亦夠絲滑。