牛匠石燒 (已結業)

今日香港發出酷熱警告🔥🔥，喺條街真係熱到不得了，朋友話好想lunch食燒肉定食，見到呢間燒肉店一開始好卻步（驚好熱），但係入到去冷氣都好夠，可能因為燒肉嘅關係，抽氣系統都做得唔錯！即刻有心情食野～又估唔到燒肉店嘅午餐呢都有好多選擇，我就揀咗一個鹿兒島豚骨叉燒拉麵（$72）～朋友就揀咗一個嚴選封門柳伴一口牛定食（$108），食嘢之前侍應嘅服務態度都好好👍🏻會介紹我哋點樣享用石燒肉！最後我哋兩個套餐都加左小食，雞翼同埋餃子！另外叫咗兩杯特飲，估唔到呢度會有台式茶飲，我就叫咗個芝士奶蓋四季春，朋友就叫咗個菠蘿乳酸，朋友話菠蘿乳酸好飲又解渴，配燒肉唔錯！我個芝士奶蓋係飲到厚厚嘅奶蓋，配上清新既四季春茶👍🏻正呀仲有拉麵都好唔錯喎，以午餐嚟講個份量都幾大！差少少食唔晒，湯底係屬於清新唔油膩嘅口味～燒一口牛肉定朋友更加係讚不絕口，配上兩個醬汁，美味～而且佢話食落去唔會太硬！爐上配左牛脂肪出一出油再燒其他肉類，有別於一般餐廳，一路燒聞落去已經好香，ｄ肉好有牛肉味～朋友仲話下次想要黎試吓d和牛！總括嚟講呢午餐嘅價錢都係好相宜，如果想簡單食個燒肉餐都真係唔錯嘅選擇👍🏻‼️好食指數 8/10‼️推介指數 8/1