三多炸肶 (已結業)

作為一個將軍澳深山嘅人，要我去大埔？No! 去元朗？No! 😭因為我懶得濟所以我從來冇食過三多😭😭慶幸佢終於喺旺角開分店！感動流涕😢😎炸雞肶-HKD29黎三多唔試最出名嘅炸雞肶不如唔好黎啦！呢個炸雞肶除左出名之外，更加係非常高CP值之選啊！❤炸雞肶用一個紙袋入面，而且有竹簽吉住，唔洗怕熱親手唔知點食☺仲有手套用，好貼心喔！雖然已經好大隻，但比我預期細左啲😮味道方面，正🙄真係正！雞皮唔會炸到太厚粉又唔會油淋淋😎食雞唔食雞皮不如唔好食啦，個雞皮又脆卜卜，好味🤗雞肉亦算嫩滑，加上唔會乾爭爭，呢種一口咬落啖啖肉嘅感覺好幸福😍難怪三多咁出名，有原因的！！由於未去過其他分店，所以唔知其他分店環境如何，不過旺角呢間有得坐得黎都幾寬敞，除左炸肶，其他小食同飲品都十分不錯！可唔可以開間黎食物沙漠將軍澳！