31
3
2
港鐵旺角站 E2 出口, 步行約6分鐘 繼續閱讀
所有分店 (11)
電話號碼
2861 3328
營業時間
星期一至四、日: 12:00-01:00 星期五及六: 12:00-02:00
付款方式
現金
其他資料
Wi-Fi
加一服務費
室外座位
電視播放
食評 (39)
等級4 2017-01-10
2063 瀏覽
一直都好想試三多雞脾, 無奈地點對於我來講太遠, 最近得知在旺角開設咗分店, 我當然要去試下.不用多說, 我第一時間點了炸雞脾, 有辣和唔辣選擇, 我點了唔辣. 怕熱氣的朋友可以選擇滷水雞脾.這裡除了炸雞脾外, 仲有沙嗲撈, 粉麵飯, 腸粉, 各式小食.炸雞脾有套餐, 加飲品, 只係$48.我點了柯檸, 個名好特別, 唔知係咩飲品, 細問下原來是橙加奶混合整成沙冰, 我從來未試過這樣飲.炸雞脾好大隻.外層的炸粉厚薄適中, 入口幾脆身. 而內裡的雞肉相當嫩滑, 調教的味道也不錯, 外脆內嫩. 最重要夠熱辣辣, 特別好味. 食炸雞脾, 當然最好就是飲番一杯凍飲. 柯檸入口有淡淡的橙味, 估不到同奶會咁夾, 而且沙冰夠幼細, 飲的時好滑身, 唔會有一粒粒的碎冰, 飲到底也不會減淡咗味道, 令我一試真係愛上. 再來是沙嗲牛肉撈公仔麵. 上枱時已經香味撲鼻.我自己鍾意多醬, 這個撈公仔麵的沙嗲醬夠多. 能夠令所有麵也沾到醬.我本身唔食得辣, 這個沙嗲醬只係少少辣, 而且夠香, 幾惹味.牛肉夠腍身. 而沾滿醬的公仔麵特別好味. 小食點了炸芝心丸.一份有六粒, 價錢要$45, 相對較貴. 這個要趁熱食, 一咬開, 內裡全是芝士. 下次再來, 要一試佢地的腸粉同其他小食. 繼續閱讀
(以上食評乃用戶個人意見 , 並不代表OpenRice之觀點。)
人氣炸脾 焦點食評
等級4 2017-02-19
48 瀏覽
三多炸脾+爆檸($48) 炸脾果然皮脆肉嫩,大大隻,食落夠曬juicy。 爆檸是檸檬加爆珠的,是20安士爆大杯的,務求解渴至極,加入蜜糖爆珠,加強味蕾刺激,引領COT新標準。 香辣肉碎炒腸粉($35) 即叫即炒的腸粉,伴上香辣肉碎、芽菜,不錯的! 沙嗲豬頸肉撈公仔麵($45) 轉出前一丁 沙嗲雞扒撈公仔麵($45) 沙嗲味道非常特別,雞扒香嫩美味! 椒鹽雞軟骨($50) 雞軟骨大大份,炸得香脆美味,好吃! 泰醬炒雜菜($32) 雜菜用了泰醬炒成,非常惹味!   繼續閱讀
(以上食評乃用戶個人意見 , 並不代表OpenRice之觀點。)
等級4 2017-01-02
1972 瀏覽
知道最近有間炸脾店出晒名,的確令我呢股炸脾熱重燃。旺角開既分店的確享盡地理,難怪未到七點嚟到已經要等位。店內播住Eason既歌,需要知道陳奕迅的歌是陪我長大 :「童年你與誰渡過,炸脾天天吃幾多」炸脾的確係童年回憶,自己會傻到去大家樂食炸脾飯。以為淨係做炸脾,原來呢度好多野食,魚蛋燒賣,薯條腸粉,仲有飯麵,真係點止炸脾咁簡單。炸脾 + 大大杯爆檸 $48炸脾可以配套餐轉特飲,凍檸茶既味道,中間有粒粒彈珠,為凍檸茶生息不少。至於炸脾,今日的確為左佢而來,沒有令我失望。生炸既雞脾,童年既味道,咬落去脆既感覺,裡面雞肉既嫩滑,一再回味。沙嗲豬頸肉撈公仔麵 $45沙嗲既味道來得家常,好有屋企煮沙嗲餸既感覺。呢個沙嗲味既香又濃,配合豬頸肉撈公仔麵,十分惹味。椒鹽雞軟骨 $50$50既雞軟骨的確唔算係優惠價,不過質素絕對拍得住出面餐廳。雞軟骨夠香脆,又唔會炸得過火,熱辣辣加上椒鹽,真係食唔停口。香辣肉碎炒腸粉 $35炒腸粉好份量多,夠豐富,香辣肉碎滿滿的充滿於整碟腸粉,辣味十分刺激,腸粉又彃牙。炸花枝丸 $45都幾邪惡,因為要用好多油去炸,所以先可以得出金黃色,食落外脆內軟。黑牛 $32又一經典之作,可樂加朱古力雪糕,兩者都係我至愛。平時食呢d食物好多時都係快快食完快快走。而今晚,意外地,我多留了一會,細味我的童年回憶。 繼續閱讀
(以上食評乃用戶個人意見 , 並不代表OpenRice之觀點。)
邪惡的深宵小吃 焦點食評
等級4 2016-12-24
1660 瀏覽
遠近馳名的三多炸肶登陸在黑布街,營業至凌晨一兩點,作為宵夜剛剛好!如此邪惡的深宵港式小吃,實在使人難以抗拒。 小食店內有10多個座位,堂食或外賣均可。點了雞肶後,店子會附上手套給我們,吃起來更方便。小食的種類應有盡有,如:腸粉、沙律、沙嗲撈、粉麵飯、雞軟骨等小食和特式飲品。 而且製作時間好快,實在好適合忙碌的香港人!三多炸肶 $29 雞肶即叫即炸,需時大約10分鐘,但是值得的!朋友不嗜辣,所以點了塊正常無加料的炸肶,以竹籤插住整塊雞肶,好似手持一塊盾牌般!原味的雞肶醃得好入味,肉質不會「諧」口和乾,酥脆的外皮包住鮮嫩的雞肉,一咬就聽到脆卜卜的聲,另外撒上辣粉更惹味,來到必食!炸肶加飲品的套餐只需 $48,所以另加爆檸(單點  $28)不是普通餐廳供應的凍檸茶,是消濟和油膩之選。檸茶加入四片厚切檸檬,檸香滿滿的,絕無嬉場 重點是有難以抗拒的蜜糖味爆爆珠,更添口感。雞全翼 兩隻 $29 平日吃開雞全翼,來到雞專門店都要試試!外層又脆又酥,調味不會太咸,有好強勁的香炸味。豬頸肉炒公仔麵 $45 醬汁好濃郁豐富,將麵上的沙爹醬撈勻,確保每條麵條麵可以沾滿醬汁,吃落好有港式風味。附上的豬頸肉薄切入味,份量也有不少!滷肶飯 $44 外賣的滷水雞脾飯是另上,確保飯不會吸盡滷肶醬汁,滷肶好入味又香噴噴,肉質鮮美又有滿香的滷水汁! 泰醬炒雜菜 $32 滿有泰式風味的小炒,炒得好香、又有鑊氣,青瓜、蕃茄、椰菜等的配搭幾夾,雜菜吸滿泰式醬汁。小食 炸墨丸  $25/12粒表層經微微香煎,一咬落去吃到層次的口感,好似鵪春蛋般細粒,食落又有點似魚蛋,當小食不錯。炸花枝丸 $45 六粒 價錢有點貴,但愛好花枝丸的應該會喜歡那種口感,炸丸無油溢或者腥味,酥炸的外層包住粒粒墨魚。黑牛 $32 朋友那杯黑牛有脆脆朱古力粒粒的雪糕,下面是可樂,一邊食炸肶,一邊都覺這個食法太可惡又邪惡了! 繼續閱讀
(以上食評乃用戶個人意見 , 並不代表OpenRice之觀點。)
等級6 2016-12-18
1275 瀏覽
自從旺角的麥花臣開始成為演唱會場地後,越來越多歌手選擇在這裡開show。 今晚的rubberband演唱會,就在想吃什麼之際,突然想起你,聽過朋友說在旺角都有三多分店,上次在元朗潮聖後未夠喉,就在短短的半個小時前,吃過快飯。 似乎這一個是非常成功的連鎖品牌,所有裝修設計一樣,連野食都一樣,不過就我所見,呢度好似多少少選擇。 最正係呢一個係地下都見到嘅三多Logo,個種霸氣,炸脾炸到咁,你都咪話唔勁。 當然要叫馳名的三多炸雞脾,炸得脆脆,油份適中,雞肉滑滑而熱燙,那種浪漫,全世界也沒有,我夠膽講,係香港呢度才吃到的美味。 就如rubberband的演唱會,那種香港味,係佢地先有。 如果怕熱氣,要身體健康,炸脾未必適合,不如來個滷水雞脾,雞依舊是滑滑的,那滷水味說真不是勁強,滷水頂多只是合格多點,但我不怪它,因為人地做炸脾,你要食滷水,請你過主去灣仔。 當然要連皮吃,吃雞脾不吃雞皮是罪過,不對嗎? 放在我的臉上,有一個裝潢不錯的地方吃咁大隻炸脾都是$29,也算幾好,沒有因旺角而價錢貴了。 可以選辣的我要了小辣,但那辣的勁也非常厲害。 不過我欣賞佢多個選擇俾人,果然係連鎖店的霸氣。 由於炸脾有點辣,叫了呢度兩個推薦的飲品,我叫了爆檸,說實其實是檸茶加入蜜糖爆珠,那個爆烈感覺,幾好玩,和那個<低俗喜劇>DaDa的爆炸糖,有異曲同工之妙。 另外的柯檸是非常特別的飲品,橙和奶從來不夾,佢地夾在一起做的沙冰,你想像不了原來可以咁好,那沙冰淡淡送上似雲呢拿的味道,極推薦。 健康的選擇還在有泰醬炒雜菜,那味道非常濃郁動人,好有工架,就如泰國菜餐廳的水準。 還叫了個豉油肉碎炒腸粉,我也喜歡這個小吃,炒腸粉彈牙有致,豉油肉碎味道強烈,不過就有點油,和吃到味精的感覺。 最後,因晚飯的關係,叫了個沙爹豬扒撈公仔麵,坦白說,好難做得不好,沙爹味重,豬扒大件,公仔麵質地是剛好的撈麵水準。 吃完所有東西,剛好半小時,去睇演唱會正好,快靚正的小食,就算好似我咁食快飯都好。 非常好的演唱會前開飯推薦,下次可以再encore,去這裡演唱會的你,不如來和炸脾對比下,睇下塊面大唔大過佢。 三多炸肶 旺角山東街88號地下 \ 繼續閱讀
(以上食評乃用戶個人意見 , 並不代表OpenRice之觀點。)