元祖沾麵專門店 (已結業)

再次喺厚福街搵食，今次黎到試元祖沾麵。喺門口見到大大隻吉祥物就可以搵到呢間鋪。呢間鋪有別於市面好多既沾麵/拉麵小店，通常一般沾麵店只得幾款口味，而呢間麵既選擇十分多，有傳統有非傳統口味。因此我無揀到一般既魚介湯味，而試左龍蝦湯沾麵。沾麵上碟時，最令人驚喜既係石鍋湯底熱辣辣，「啫啫」鍋keep住滾左數十秒。呢間沾麵店選用既係較粗身既麵，而我本身比較偏好幼一點的麵種，所以食落未必係最合我既口味。不過值得一讚既係佢個湯底能夠做到夾沾麵既時間，麵非常掛湯，每一口都能夠食到濃濃既龍蝦味。整體而言，價錢性價比唔算特別抵食，但勝在店內環境夠舒適寬敞，如果食厭左平時既傳統口味，呢間都可以一試。