以前成日食呢到嘅滑蛋豬扒丼🥢$98
咁耐冇今次就叫下啦。
岩岩炸好熱辣辣食，豬扒好脆又厚，同幾年前食嘅味道一樣依然冇變，仍然好食。跟餐道加多20幾蚊，有配菜野飲同果凍，不過啲野我覺得唔太吸引，所以只單點。
另一份叫咗特上盛大蝦海鮮丼定食🥢$170
比想像中差，啲刺身一食落去就覺得唔太新鮮，初頭以為只係大蝦先咁，點知舊舊食落都腥腥地，完全唔會想再係到食刺身。🤢
另外，定食仲有跟個唐揚手羽，呢個就好食嘅，啲汁分量岩岩好唔會太多搞到雞翼外皮淋晒，仲係脆卜卜。
如果黎食，我覺得都係食熟食比較穩陣👌🏻👌🏻刺身真係不了不了🤭
