丼丼屋 (荷里活廣場)

營業中

休息中

#MC帶你去鑽石山.和風料理嘅「日式吉列」相信大家都唔會陌生，吉列豬扒、吉列牛大家都食得多，但吉列三文魚係香港就真係少見啲。 ➖➖➖➖➖➖➖➖➖➖➖➖➖➖➖➖🥢 吉列三文魚配烏冬（冷）｜$120 ✨期間限定✨.用上刺身級厚切三文魚，表面薄薄一層嘅金黃炸衣，內裡三文魚保持半生熟狀態，食落外脆內嫩，就咁食都已經好好食。試完原味，可以配搭檸檬汁、他他醬、南蠻汁及三文魚籽，令味道更加突出層次更加豐富。➖➖➖➖➖➖➖➖➖➖➖➖➖➖➖➖🥢 拖羅海鮮丼｜$188.有齊六款刺身魚生鋪滿丼飯面，吞拿魚腩、三文魚腩、香蔥吞拿魚蓉、帆立貝、赤海蝦、三文魚籽，賣相已經十分吸睛！刺身魚生好新鮮，肥美厚切，口感軟嫩；特別係吞拿魚腩，魚油口感好濃厚！吞拿魚蓉好creamy，軟綿綿嘅口感配上蔥香，每一啖都好幸福！赤海蝦又大隻鮮甜爽口。➖➖➖➖➖➖➖➖➖➖➖➖➖➖➖➖🥢 升級定食｜$18.加$18就可以有配埋日式味噌湯、前菜、甜品及果茶，十分抵食！

點了照燒雞、生薑燒猪肉便當，一個小長方盒內的雞肉有點零亂，賣相不好，已經扣分。雞和猪都稍乾，有硬的感覺，要用些力去咀嚼，努力吞嚥下去。兩款肉都只有好甜的味道。平舖在肉下面的飯的厚度少於0.5cm,真的每啖飯都有肉，男士如點這個便當，一定唔夠飽。77元係超唔抵，冇下次。離開時跟店員反映了意見，他只是笑，一個字都沒有說，好像是事不關己，所以無動於衷，我只好說你完全不作聲，那麼我就只好在OpenRice表達我的意見了。

我地叫咗個鳥開親子定食，問可唔可以唔要雞蛋，整熟啲隻雞蛋，唔要隻雞蛋，放埋一邊，全部唔得！啲飯連埋雞蛋實在太生，好難入口！個甜品無味，一啲都唔知食緊咩入口！個果茶太淡，好似飲緊道地綠茶加水加冰溝到無味！好難飲！唔會有下次！差x 10

有時午餐都會多人排隊如果少人既話，我覺得係CP值高的選擇燒雞肉三味雞肉唔會乾/難咬非常嫩滑而且外表燒到有微焦炭香味唔錯唔錯應該有少少Wasabi同紫菜可以用來撈飯如果紫菜可以俾多啲再加埋飯素就更惹味同有日式風情埋單$100有找在這個商場算係中等價位

已有約一個月冇去荷里活，每次黎都會想食丼丼屋，今次要購物自然都會諗起丼丼屋！平時7：30pm 實有堆人等緊位，今次出奇地少人...可能係星期日晚少人外出，亦可能因最近新聞受影響...難得少人我地照食！平時都會被滑蛋類丼吸引，但今次想食香口野，第一次試下燒雞肉三味丼$88， 估唔到好有驚喜！～跟餐有一碟小配菜，有蔥、wasabi、紫菜絲，可以伴飯一齊食！而燒雞肉燒到有炭燒味，但肉質保持嫩滑，好開胃！跟餐有一壺清湯，可以倒入碗變湯飯，再加配菜伴食，個人好喜歡，而且有越食越想食嘅感覺！屋企人叫左牛肉壽喜燒親子丼$98 ＋ 錢變套餐，滑蛋控絕對喜愛！酥炸魷魚每次食都咁好味～！難得少人可以影下新裝修後的環境～！

去完日本依然非常想念日本美食，今日與媽媽再度品嚐正宗且優質的日本美食作為午餐，非常開心呢！我們去了鑽石山荷里活廣場的丼丼屋，店內裝潢別緻，滿滿日式感！食物也有很多選擇🥰今日點了期間限定春日海鮮餐目 #春之什錦海鮮丼 和 特選系列 #鰻魚豚肉生薑燒飯，送餐上枱時真的很吸引！我點了 春之什錦海鮮丼定食 集六款時令新鮮海鮮，包括燒鰹魚、鯛魚、三文魚腩、吞拿魚、特大赤海蝦及三文魚籽，海鮮豐富又鮮甜😍，配上日本產米飯，啖啖香甜軟糯！定食還配上鮮味十足的「兵庫縣產湯霜牡蠣」、麵豉湯、副菜、甜品及熱茶，超級豐富超值！媽咪點了 鰻魚豚肉生薑燒飯定食，鰻魚肥美🥰豚肉嫩滑，少食日本菜的媽媽都話好好味😋，和細佬仔一齊清晒！丼丼屋分店眾多，好多間都鄰近港鐵站或大型商場內，想試都很方便😊👍

日本丼飯專家「丼丼屋」喺香港各區都有分店，當中唔少都好近地鐵站或購物熱點，夠晒方便！今個週末放假我就去咗丼丼屋鑽石山分店食晚飯。店內裝修充滿日本和風味道；樓底高，空間感相當充裕餐牌上設有多款不同種類嘅正宗日本丼飯，有刺身丼、鳥開丼及親子丼等等。最近仲新推出咗期間限定「牛油粟米北海道十勝豚丼」，可以選擇單點或定食，百分百還原日本北海道滋味🇯🇵由即日起至5月30日於全線丼丼屋及丼丼屋×鳥開聯乘店供應「牛油粟米北海道十勝豚丼」定食 (並盛)十勝豚係日本北海道特有的品種，因地理環境優越，加上以純天然飼料去飼養豬隻，使其脂肪分布均勻，極具口感及風味✨十勝豚肉片燒到微微焦香，肉質軟嫩多汁，豬味濃郁，好入味；配上露筍、宮城縣產特A級「一見鍾情」米及日本粟米定食跟配前菜、日式湯、甜品及果茶，超級豐富鳥開辛味噌親子丼定食日本珍珠米飯粒粒分明，配上辛味噌、嫩滑半熟蛋、名古屋鳥開雞肉及生雞蛋黃，微微辣，好足料，味道同口感都好豐富！鳥開手羽先炸得金黃色的，皮脆肉嫩，啖啖肉特上刺身及鮮蝦沙律額外加配咗特上刺身，日本新鮮空運，充滿魚鮮味！鮮蝦沙律口感爽脆，清新開胃

同小朋友鑽石山玩完去左荷李活食埋晚飯第一次食丼丼屋感覺不錯環境企理整潔不過唔收現金？🤔只可電子支付 好彩有消費卷😂春之什錦海鮮丼定食 刺身有呢幾款三文魚腩、特大赤海蝦、吞拿魚、三文魚籽、燒鰹魚同鯛魚配料好豐富，比我想像中都鮮味除左海蝦有少少淋，感覺唔太鮮定食入面跟左有一隻 兵庫縣產湯霜牡蠣🦪 少少輕燙牡蠣表面，又幾好食燒雞肉三味丼燒雞肉滿滿濃味嘅醬汁 撈白飯一流蛋黃破黃再撈飯食真係唔錯甜品啫喱就唔識欣賞，冇味，佢有加類似黑糖？但都唔知自己食緊d咩

春之什錦海鮮丼🍱海鮮丼飯有燒鰹魚、鯛魚、三文魚腩、吞拿魚、特大赤海蝦及三文魚籽、新鮮甜美口感好好👍🏻飯係用咗日本產米飯，夾埋一齊食簡直 正.正.正。套餐仲有兵庫縣產湯霜牡蠣🦪好鮮甜，麵豉湯好足料，副菜同埋蒟蒻做甜品，食完好滿足呀🤩春之海鮮盛🥢三款刺身：燒鰹魚燒完更加帶出魚肉本身嘅香氣，同時多左煙燻味添。鯛魚食到其鮮甜味。三文魚腩油脂比較多，更加肥美好食😋兵庫縣產湯霜牡蠣🦪正值當造季節，佢地嘅牡蠣肉質肥厚，少少海水味，食落好甘甜。滑蛋吉列豬扒丼🍚厚厚嘅豬扒炸到脆卜卜，一啲都唔乾身仲好多肉汁，滑蛋撈飯真心正，我由細到大都係咁鍾意食😍

香港有不少深受歡迎的日本餐廳，令大家可以品嚐到正宗且優質的日本美食，如日式丼飯專家丼丼屋，在香港有機會當然要試一試，在購物之餘，也可品嚐到新鮮味美的正宗日式丼物！🍚丼丼屋選用日本產米及時令食材，製作新鮮味美的正宗日式丼物，務求讓顧客品嚐物超所值的日本地道滋味。🦐日式丼物專家丼丼屋隨著春季到來專誠增添期間限定春日海鮮餐目，「春之什錦海鮮丼」定食及單點等多道丼物及刺身佳餚。👩🏻‍🍳丼丼屋分店眾多，當中不少分店鄰近主要車站或位處購物集中地，如荃灣、沙田、青衣等，成為不可不試的人氣美食熱點！🍱春之什錦海鮮丼（$148）豐富的「春之什錦海鮮丼」集六款時令新鮮海鮮，包括燒鰹魚、鯛魚、三文魚腩、吞拿魚、特大赤海蝦及三文魚籽，鮮甜豐腴、厚薄得宜的刺身填滿丼物，風味各有千秋，配上香甜軟糯的日本產米飯，無與倫比的海洋滋味令味蕾著迷！單點以外另有優惠定食選擇，定食包括 「兵庫縣產湯霜牡蠣」日式湯、副菜及果茶，最後以甜品作結，豐富超值的定食組合帶來最圓滿的海鮮丼體驗！🐟春之海鮮盛（$50）延續春日魚鮮滋味，「春之海鮮盛」精選三款刺身，包括燒鰹魚、鯛魚和三文魚腩。鰹魚經過燒烤帶出魚肉本身的香氣和滋味，同時多了一

今次嚟到荷里活廣場搵食，想食返啲日本嘢於是乎搵到呢一間丼丼屋x鳥開假日過嚟都幾多人，所以拎咗飛都等左陣先有位。今次嗌咗個新出嘅春之什錦海鮮丼定食、春之海鮮盛同埋牛肉壽喜燒親子丼。春之什錦海鮮丼定食🌸🐟一份定食滿足晒我幾個願望呀有齊六款時令海鮮 - 燒鰹魚、鯛魚、三文魚腩、吞拿魚、特大赤海蝦同埋三文魚籽，另外定食仲包括一杯果茶，一份兵庫縣產湯霜牡蠣、日式湯、副菜同一份甜品。兵庫縣產湯霜牡蠣肉質肥厚，加上少少海水味，正呀。春之海鮮盛🌸有燒鰹魚、鯛魚同埋三文魚腩，燒過嘅鰹魚多咗份煙燻風味，另外鯛魚同埋三文魚腩肉質肥美鮮甜。牛肉壽喜燒親子丼🐮牛肉壽喜燒親子丼，份量都好夠喎，牛肉丼飯配上滑蛋一齊食，真係好夾呀😊

最近迷上咗跳舞，所以收工上完堂之後先可以喺附近醫翻肚仔🤤 咁夜居然仲有日本嘢食😈1️⃣ 「鳥開牡蠣親子丼」定食（$150）🦪而作為生蠔嘅愛好者，當然都唔可以錯過有關於蠔嘅一切美食😆親子丼係日本「鳥開」嘅招牌名物，最近丼丼屋×鳥開新推出嘅「鳥開牡蠣粯子丼」就係選用咗兵庫縣產蠔去炮製😌呢款來自日本兵庫縣嘅牡蠣，粒粒形狀飽滿肥美，搭配嫩滑嘅日本名種地雞「名古屋交趾雞」雞肉 & 秘製半熟蛋🥚一層整齊排好嘅牡蠣鋪滿親子丼，用上「鳥開」自家製高湯烹煮，牡蠣吸飽湯頭精華，亦成功鎖住咗牡蠣嘅鮮味～ 一口一啖牡蠣，非常鮮甜美味😍 加上牛油、流心蛋汁互相融和，打造順滑口感，將親子丼滋味提升至另一層次👏🏻如果大家嚟食嘅話，都推薦由單點升級至豐盛嘅定食，因為只係加多幾十蚊，定食有埋前菜、自選小食（刺身或鳥開手羽先 ）、日式湯、沙律、果茶及甜品，一系列搭配實現滋味大滿足！2️⃣ 魷魚鬚因為定食嘅自選小食，我揀咗刺身，所以額外叫多個炸物👻 一小碟都有四、五條魷魚鬚，雖然我差不多閂門前先到店，但炸物咬落依然酥脆，食落似即叫即炸，並唔係一早炸定的🫶🏻

幾好食但有點貴，少去鑽石山唔食邊度有好食物，下次再考慮下，兩個人食四百元既下午茶，不過無法，入左餐廳才知☕️不過食物來說都算是好吃，座位也舒服，都感覺到日本🇯🇵

滑蛋丼啲蛋同滾水溝炒蛋無分別，又唔熱，飯亦係微溫，真係要好狠地用難食去形容，裝修前明明幾好，以前有個雜錦刺生飯我去襯都食，估唔到裝修完後水準降得咁緊要，真係無下次

途經此店，看餐牌轉了点款式便去試試， 自助手機落單是大趨勢。 服務員補茶水都快手。雞肉丼一味兩食，可試埋茶漬飯食法，味道不錯。滑蛋牛丼普普通通，D牛肉好似烚熟後加蛋便成， 可以不試。刺身丼有水準。麻婆肉醬雞肉丼都可以。