影片
更多
2023-05-29
43 瀏覽
最近去咗一間好有特色嘅炭燒主題店～焰 ！ 餐廳主打黑毛和牛及創意料理 ，店內全部都係吧枱座位，師傅會席前準備食材及燒肉，體驗一流！ 每張枱都有火焰效果，仲會配合唔同菜式轉換顏色，好岩打卡！我哋點咗Dinner Set B ($980 p.p. )，好豐富！日替精選前菜三品 估唔到前菜有得揀！店員先奉上前菜盤，可以按自己喜好挑選鍾意嘅三款前菜！每款都好吸引，心大心細一輸，揀咗煙燻鰻魚、辣味赤身及鮟鱇魚肝，店員教我哋由淡至濃食起，好細心。季節刺身三點最「新鮮」嘅刺身拼盤，講緊嘅係用玻璃瓶底下仲游緊水嘅金魚，玩味十足！三款刺身分別係油甘魚、牡丹蝦、吞拿魚，質素正常。廚師精選頭盤 火炙和牛刺身配水菜沙律。和牛油脂分佈平均，火炙後逼出油香！水菜都新鮮爽甜，但沙律醬就遮咗牛肉刺身嘅牛味。煎帆立貝配冷壓魚子 賣相精緻吸引， 帶子厚肉鮮嫩，煎至表面金黃，配豉油珠珠及椰菜花蓉醬。鵝肝茶碗蒸 呢個茶碗蒸以分子料理做法製成，茶碗蒸做成mousse狀，口感滑溜，食到底仲有煎香咗嘅鵝肝粒！不過個人都係鍾意傳統嘅茶碗蒸口感多d，太流質唔係好習慣。紫蘇二重燒牛肉卷 將和牛他他、炭燒牛小排、紫蘇漬物用香脆嘅紫菜包住，
餐廳主打黑毛和牛及創意料理 ，店內全部都係吧枱座位，師傅會席前準備食材及燒肉，體驗一流！ 每張枱都有火焰效果，仲會配合唔同菜式轉換顏色，好岩打卡！
我哋點咗Dinner Set B ($980 p.p. )，好豐富！
日替精選前菜三品
估唔到前菜有得揀！店員先奉上前菜盤，可以按自己喜好挑選鍾意嘅三款前菜！每款都好吸引，心大心細一輸，揀咗煙燻鰻魚、辣味赤身及鮟鱇魚肝，店員教我哋由淡至濃食起，好細心。
季節刺身三點
最「新鮮」嘅刺身拼盤，講緊嘅係用玻璃瓶底下仲游緊水嘅金魚，玩味十足！三款刺身分別係油甘魚、牡丹蝦、吞拿魚，質素正常。
廚師精選頭盤
火炙和牛刺身配水菜沙律。和牛油脂分佈平均，火炙後逼出油香！水菜都新鮮爽甜，但沙律醬就遮咗牛肉刺身嘅牛味。
煎帆立貝配冷壓魚子
賣相精緻吸引， 帶子厚肉鮮嫩，煎至表面金黃，配豉油珠珠及椰菜花蓉醬。
鵝肝茶碗蒸
呢個茶碗蒸以分子料理做法製成，茶碗蒸做成mousse狀，口感滑溜，食到底仲有煎香咗嘅鵝肝粒！不過個人都係鍾意傳統嘅茶碗蒸口感多d，太流質唔係好習慣。
紫蘇二重燒牛肉卷
將和牛他他、炭燒牛小排、紫蘇漬物用香脆嘅紫菜包住，肉味濃郁，口感豐富，淡淡紫蘇葉香減低膩感，整體味道好有層次。
跟住就到主角—燒肉拼盤出場啦！選用岩手縣黑毛和牛，肉味同肉質都有一定保證！
炭薰牛舌芯
師傅喺我哋面前燒香厚厚嘅牛舌芯，再將一舊炭直接擺落去牛舌表面，上枱唔單止有煙霧效果，仲大大增加炭火香！牛舌芯口感爽彈，炭香突出，配搭梅子鹽、綠茶鹽、wasabi、芥末醬，各有風味。
A5 黑毛和牛酒香壽喜燒
A5 黑毛和牛油脂豐腴，師傅燒肉嘅時候再加入白蘭地，熊熊烈火，食嘅時候酒香都仲未蒸發，食到酒香，好特別！和牛肉質軟嫩，另外仲有配菜，如:娃娃菜、豆腐、芋絲、冬菇及南瓜，配甜甜嘅壽喜燒汁，惹味。
A5 黑毛和牛柳
和牛燒至表面焦香，火候控制得啱啱好，唔會好乾。上枱嘅時候，師傅再刨上烏魚子，增添鹹香。
慢煮安格斯封門柳飯 / 梅子冷素面
飯麵二選一，揀咗各一試下。慢煮安格斯封門柳飯上枱嘅時候完全嚇親咗，份量實在太大！安格斯封門柳肉質好腍，燒肉汁好送飯，雖然好飽，但都完全清碟。梅子冷素面雖然睇落無揀飯咁抵食，但冰涼清爽，燒肉後食特別解膩！佢另外仲配有梅子醬自行再調味！
甜品
甜品都好豐富呀！我哋揀咗香蕉拖肥撻同水果配雪糕。香蕉拖肥撻有甜品店嘅水準，撻底香脆，甜度適中。是日水果都有香甜嘅日本蜜瓜，配上大大球嘅開心果雪糕，非常滿足。
張貼
