砂煲兄弟 (東港城) (已結業)

星期天放假天，看完電影後來到將軍澳東港城商場砂煲兄弟吃個下午茶餐，聽個名都大概估到呢間店係食煲仔飯為主，的確以煲仔飯居多。下午茶亦都有煲仔飯供食客選擇，今日選左個紫薑雞球煲仔飯，價錢$52，比起其他食店的下午茶餐稍為貴的價錢，因突然好想吃煲仔飯，一於試下吧！店內不算太多人，有卡位坐都幾唔錯，留意煲仔飯製作時間稍稍需時的。熱辣辣煲仔飯內有雞塊、紫薑和兩塊菠蘿片，味道風味好不錯呢！雞塊亦幾嫩滑，配上凍擰茶，在開始轉涼的天氣吃著煲仔飯實在適合不過。