107
23
9
港鐵坑口站 A1 出口 繼續閱讀
所有分店 (2)
電話號碼
27787020
營業時間
今日營業
08:00 - 22:30
星期一至日
08:00 - 22:30
*最後截單時間: 22:00
付款方式
Visa Master AlipayHK 支付寶 現金 八達通
其他資料
Wi-Fi
酒精飲品
外賣服務
加一服務費
電視播放
當面支付
食評 (158)
去年第一次試砂煲兄弟已經覺得夠足料,味道很好~~!!但不算常來坑口這邊,所以一直未再光顧....難得這次來到坑口,老公就提議再來吃晚飯啊~~疫情的關係,所以食客很少,完全不用等位!老公一見到menu,就決定要點價值$168的黑松露蟹肉海膽煲仔飯!應該是第一次吃那麼貴的煲仔飯啊~~~另外點了竹笙杞子時蔬及加$28要了參鬚海底椰燉湯先上燉湯,雖說是參鬚,但人參都幾大枝@0@!!其他湯料都好足~~燉湯有好濃的人參味!!竹笙杞子時蔬,湯好清甜!竹笙份量多又爽口,吸滿湯汁好好吃~~白菜仔及雜菌的份量好多~加了雜菌,清甜的湯添了一份菇菌香!黑松露蟹肉海膽煲仔飯,一打開煲蓋,松露醬加蟹肉的香氣撲鼻擺盤也有鋪墊過!一絲絲的蟹肉幾新鮮,肉質不會霉~海膽肉雖然只得4片,但完整的一片片,不是弄碎的混到飯中,所以不捨得與飯拌勻啊!海膽肉就直接食用吧!味道鮮甜濃郁!只將松露及蟹肉與飯拌勻,加點點豉油,味道已充滿鮮味!唯一失色的是,飯的焦香乾爽程度,不及一些傅統煲仔飯啊!論整體都算好吃的!!這樣帶特色的煲仔菜式,都值得支持下的!希望能度過疫情的冰河難關吧! 繼續閱讀
(以上食評乃用戶個人意見 , 並不代表OpenRice之觀點。)
等級4 2020-02-22
624 瀏覽
是晚遠足而回,在坑口附近,嚐試一下新餐廳也好,想吃中菜,能選的不多,勉強選了砂煲兄弟。需說中菜,但餐牌不多,不過也好,反正一般都不過是車仔麵式聯乘出來的餐牌。點煲仔飯或煲類可以28元要燉湯。兩款都頗佳,足料夠味夠火喉,值得推薦。然後五分鐘不到,上了山藥牛腩煲,我已心知不妙,一定唔夠熱。成煲冒煙沒錯,只是牛腩有厚度,除非一值熱住,否則放室溫情況下,由店員下單到廚房準備至出餐五分鐘內,必定唔夠熱,結果也是如此,食煲仔,大忌,失敗。山藥爽脆,但唔熱又唔入味,完全係用醬汁撈起出餐。牛腩粗鞋起渣,攝牙罅,調味尚可。太多下欄牛脂肪,佔了一半,成煲88元。海味雜菌粉絲煲。算是最好的一道菜,海味有蝦乾魷魚乾,滾過雜菌,味鮮甜,可惜粉絲無煨過,唔入味。主角仁稔排骨煲仔飯,一上台已覺不值,排骨幾料,算數。一睇就知是煲白飯,然後放上熟料,我知道這樣做很好操作,但這種煲仔飯,沒有靈魂,也沒有技術可言,等如碟頭飯餸一樣,現在是煲仔白飯配仁稔排骨。飯底有飯焦,起出來靚仔,但食落口又硬又靭,都在填牙縫,不是米不好,就是熟米再返煮。再說排骨,淋滑但調味太甜,也沒有分數。最後賣單330元有加一服務費。整體而言,不算便宜,質素也低,性價比也沒有,想食煲仔飯的會失望,尤幸燉湯可以,但只以湯前來,建議也免了。 繼續閱讀
(以上食評乃用戶個人意見 , 並不代表OpenRice之觀點。)
等級3 2020-07-16
39 瀏覽
一早起身突然好想食火腿通,捉埋另一半拿拿聲趕及早餐時段完結之前趕到去餐廳~餐廳環境乾淨又企理,坐位算是濶落!呢度有經典早餐嘅配搭,但會有少少新式嘅做法,我就叫左炒蛋腸仔牛油多士 配 餐肉粒火腿絲忌廉通粉~炒蛋上面有少少香草,食落好特別,炒蛋做嫩滑,亦有蛋香味,腸仔夠晒大條, 麵包唔會太乾! 講到個通粉, 有餐肉粒又有火腿,真係滿足晒我兩個願望,平時食多數只有其中一款揀,而家兩款有齊晒!!湯底可能加左忌廉,連埋通粉食都覺得特別滑同香口~~凍檸茶用咗差唔多成半個檸檬,抵飲!! 繼續閱讀
(以上食評乃用戶個人意見 , 並不代表OpenRice之觀點。)
等級1 2020-07-01
89 瀏覽
同女朋友去食晚飯,想食下小炒,就揾左呢間...原來諗住小菜ok, 就叫多d 屋企人下次黎,可以叫多幾款送...但我諗無下次啦,o者o者時菜煲勉強合格,雖然已經無鑊氣。我估唔到個精選推介,吾係酸菜魚就出事,d酸菜定唔知d魚有縮味...我地夾左舊食照俾錢,但叫服務員收左佢,落過個樣應該穩陣既沙爹粉絲肥牛煲,起碼都叫做正常。埋單時想拎張飛作免費泊車,店長突然爆一句係我地唔岩口味,佢地D酸菜魚無問題,我已經無追究無任講有關樣送有問題,唔好咪無下次,但最後佢捉返住我地講到係我地口味問題,真心嬲。其實佢係咪應該試下d野係咪真係變壞左....唔係話食客口味問題 繼續閱讀
(以上食評乃用戶個人意見 , 並不代表OpenRice之觀點。)
等級4 2020-05-19
240 瀏覽
啫啫油麥菜時菜煲,油麥菜新鮮,口感爽脆,加入大量肉碎、蒜頭烹製,整體味道咸香、鮮甜。蝦醬豚肉煲仔飯,採用絲苗白飯,飯粒夠乾身、煲氣、粒粒分明,飯焦好香脆,豉油甜鹹度適中;蝦醬味道咸香帶鮮,豚肉肉質嫩滑多汁。吾係酸菜魚,加入酸菜、辣椒,味道酸辣、惹味,魚肉滑嫩、夠鮮味,魚身剩係得大骨,食落啖啖肉。邪惡金莎西多士,西多士蛋味濃厚,口感外香脆內軟熟,表面淋上左大量花生醬、煉奶、朱古力醬、榛子醬、黑朱古力粒、白朱古力粒、棉花糖,口感食落非常豐富,味道甜而不膩,而且西多士內更有花生醬、牛油作為夾心,味道更加香濃。 繼續閱讀
(以上食評乃用戶個人意見 , 並不代表OpenRice之觀點。)