星巴克咖啡 (已結業)

已經好耐無去Starbucks, 以往去都係因為hea 時間睇書或者同朋友吹水。不過而家都左咁多精品咖啡店，都好少去Starbucks。不過得知銅鑼灣有個新商場開左個旗艦店。於是乎就去朝聖下。地方真的好大，有好多梳化（而家好少Starbucks 有梳化坐）空間感很強。而旗艦店最主要的賣點是有獨家限定食物發售，我地就叫左牛油果炒蛋多士和tiramisu 班戟。牛油果炒蛋配天然酵母麵包牛油果十分之多，但無乜味，炒蛋都算滑。不過酸種麵包就麻麻，太淋，味道和牛油果炒蛋無火花。Tiramisu 班戟 (3點後供應）哩個做得好好味，味道出乎意料之外地好。班戟煙韌可口，配合朱古力雪榚十分之夾，最重要不會落太多cream.圍邊的朱古力醉及醬令整個味道又更濃。唯一不好就是咖啡味不突出，顯示唔到tiramisu 特色。Cold brew冷萃咖啡值得一讚就是有一個精品咖啡吧枱。 我們點了用巴西IP estate 出産的咖啡豆做的咖啡。味道濃厚，酸度不強，喝罷餘韻猶在。總括這次體驗不錯，假日就不來了，太擠擁，閒日有時間會再來享受下。