麻市滋味館 (已結業)

好嬲！就到生日諗住同朋友去試下新野，點知就瀨野，去左呢間麻市滋味館，雖然佢出名食海鮮，我地食到一肚火，絕對唔會再幫襯！首先係伙計Ｄ服務態度，我已經早一日訂位，但去到都等左成半個鐘！加上冷氣不停滴水，同伙計講要求換位但又唔理我，好嬲！然後就係食物，叫左豉椒蟶子丶蒜蓉粉絲蒸扇貝同冰鎮鮑魚，仲有椒絲腐乳通菜同招牌金字塔。豉椒蟶子雖然係濃味野，但真係太咸！我同朋友不停飲水先可以將碟野食晒。啲椒多過蟶子！扇貝就好細隻，食落去仲有Ｄ「霉」，有冇搞錯！而招牌金字塔就得個樣，將Ｄ肥肉疊到好靚，但好肥膩，加埋濃醬汁實在頂唔順！總結，唔會再黎！