影片
更多
2016-08-26
2611 瀏覽
每次經過呢間鋪都覺得店名好得意, 而且隔位兩個鋪位都會聞到好香的中藥味 同 麻辣雞煲香味. 聽講呢到啲雞煲都幾受歡迎, 所以強烈建議一定要先訂位! 因店內的座位不多, 我同朋友們訂左位係平日晚餐黎食, 但黎到都已經係全部滿座. 其間有好幾班客人冇訂位就黎, 都因冇哂位而被拒絕. 鴛鴦雞煲 (雞胸HKD98+雞脾HKD98) 好少有雞煲竟然係可以 “鴛鴦”, 而且雞肉仲可以揀部位. 有朋友唔食得熱辣, 所以我地叫左一邊係唔辣的雞胸肉, 另一邊係小辣的雞脾肉. 老闆話所有的雞煲都係即叫即抄的, 所以味道可以按每個客人的唔同要求而調製. 一陣間熱辣辣雞煲已經上枱啦, 只係聞味道已經覺得好麻香好惹味. 撥開上面的香茜, 下面的雞原來全部已經去骨去皮, 食時啖啖肉, 又唔怕雞皮越煮越出油. 左邊的雞胸肉咬落唔會好 “柴”, 味道唔辣但有少少”麻”香, 醬汁好濃非常惹味; 而右邊的係雞脾肉煲, 肉質較滑, 食落少少辣而且更”麻”, 刺激著每個味蕾. 麻中帶辣非常惹味. 食雞食得咁上下, 當然就要加湯打邊爐啦. 唔辣的雞胸肉煲就揀左藥饍湯底, 而另一邊就揀左四川麻辣湯. 藥饍湯底香味十份濃郁
鴛鴦雞煲 (雞胸HKD98+雞脾HKD98)好少有雞煲竟然係可以 “鴛鴦”, 而且雞肉仲可以揀部位.
有朋友唔食得熱辣, 所以我地叫左一邊係唔辣的雞胸肉, 另一邊係小辣的雞脾肉. 老闆話所有的雞煲都係即叫即抄的, 所以味道可以按每個客人的唔同要求而調製. 一陣間熱辣辣雞煲已經上枱啦, 只係聞味道已經覺得好麻香好惹味.
撥開上面的香茜, 下面的雞原來全部已經去骨去皮, 食時啖啖肉, 又唔怕雞皮越煮越出油. 左邊的雞胸肉咬落唔會好 “柴”, 味道唔辣但有少少”麻”香, 醬汁好濃非常惹味;而右邊的係雞脾肉煲, 肉質較滑, 食落少少辣而且更”麻”, 刺激著每個味蕾. 麻中帶辣非常惹味.
食雞食得咁上下, 當然就要加湯打邊爐啦.
唔辣的雞胸肉煲就揀左藥饍湯底, 而另一邊就揀左四川麻辣湯.藥饍湯底香味十份濃郁, 陣陣當歸味(應該係). 但飲落就冇味藥味而且仲甜甜地. 而四川麻辣湯當然就係香辣啦, 正~
牛魔王併盤 (HKD428)用平時食AFTERNOON TEA 的架黎裝住啲牛, 另有一番風味. 裡面有靚牛皇, 牛小排,牛柳粒,牛白肉(牛胸),牛脷托,黑柏葉等
靚牛皇 & 牛小排 : 灼幾秒鐘就可以, 易咬唔柴, 厚度剛好;
牛柳粒: 切得大細剛好,多肉汁重牛味;
牛白肉: 少見呈白色的牛肉，食落較爽, 不會有肥的感覺;
牛脷托: 第一次食, 冇咩特別味道, 但就非常爽口, 幾得意.
白鱔片 (HKD88)切得夠薄, 肉質結實彈牙. 肥美
帶子皇 (HKD98)非常大隻, 所以切片上. 好新鮮, 食落味鮮彈牙.
響鈴 (HKD58)果然係自家製, 非常之脆, 大力D夾已經斷開左 T.T ~
係咁依浸一秒鐘就食得, 好香脆冇油 “憶” 味~
鬼馬墨魚 (HKD58)老闆的推介, 係油炸鬼上面搽上墨魚滑蟹籽. 放落湯時要墨魚滑向下, 滾一分鐘就食得. 咬落油炸鬼好香脆, 而墨魚滑就好彈牙, 都幾有趣.
韮菜豬肉餃 (HKD62)不算大粒的韮菜餃, 但菜同肉的比例剛剛好, 而皮又不會太厚.
鵝腸 (HKD68)清理得好乾淨, 冇多餘的肥油. 爽口冇怪味.
什菜籃(半碟) (HKD68)全部的菜都好新鮮, 而且洗得好乾淨, 冇沙 或者 爛葉. 粟米好甜.
張貼
