我覺得呢個放題性價比超高，食物豐富，三百蚊左右就有小食、刺身、酸菜魚/雞煲、海鮮、牛拼盤、仲有幾十款火鍋配料任食，兩櫃飲品任飲，仲要係無限時。
坐底左之後，店員就細心講解成過放題既流程。咁我地就先食左啲小食開開胃，個沙律幾Fresh 、幾好味。好味都係食少少好啦，之後仲有好多野食。
之後就係刺身同酸菜魚，刺身肥美，酸菜魚肉質滑，酸味味夠開胃。
有4個湯底揀，清清地揀左黃金皮蛋芫茜。
海鮮拼盤，夠哂新鮮，有帶子、蜆、魚片🐟。
牛肉拼盤，幾款唔同口感既牛肉，仲有出面少食到既黃喉，夠特別。
任食既牛都唔錯，最鐘意牛胸腹肉，肉質Juicy。
無限時真係正，食飽飽仲可以飲住野狂吹水。
