影片
更多
2023-03-22
74 瀏覽
無限時任食任飲，無壓力輕鬆食，今晚就同朋友嚟gathering。餐廳空間感大，傾偈談心都可以暢懷。揀咗$368一位嘅套餐，好豐富咁！餐前小食都係任食，我哋叫咗唐揚脆炸雞、蟹籽沙律、酸甜炸大腸，叫幾多件嚟幾多件，最鍾意係炸雞，入面好Juicy，雞肉腍滑又彈牙，必點！時令燉湯一人一盅，足料。五點刺身盛合：三文魚、帶子、鯛魚、北寄貝、牡丹蝦，牡丹蝦同三文魚最鮮甜，可惜無得再點。唔想食任食雞煲，今次揀咗「為食酸菜魚」，酸酸地夠開胃，魚片係鯇魚片，有少少骨。食完酸菜魚就到火鍋啦。湯底有四款選擇，我哋揀咗【高湯牛尾】，清清地，用嚟打邊爐都唔錯。「豪食海鮮拼盤」鮑魚、蜆、蝦、蠔、帶子、魚片排得幾靚仔，整體新鮮，可惜蠔就好麻麻。豪食牛肉拼盤有睇頭，標註清晰，一次可以食晒八款牛肉，每款都有肉味，高質。任食火鍋配料方面，牛肉當然要勁點，大大片，但我最like係鹿兒島茶美豚，肉香細嫩，食起嚟好清爽，唔覺有滯膩感。仲有少見嘅黑柏葉，自己去街市好難買到，天然呀！
餐前小食都係任食，我哋叫咗唐揚脆炸雞、蟹籽沙律、酸甜炸大腸，叫幾多件嚟幾多件，最鍾意係炸雞，入面好Juicy，雞肉腍滑又彈牙，必點！
時令燉湯一人一盅，足料。
五點刺身盛合：三文魚、帶子、鯛魚、北寄貝、牡丹蝦，牡丹蝦同三文魚最鮮甜，可惜無得再點。
唔想食任食雞煲，今次揀咗「為食酸菜魚」，酸酸地夠開胃，魚片係鯇魚片，有少少骨。
食完酸菜魚就到火鍋啦。湯底有四款選擇，我哋揀咗【高湯牛尾】，清清地，用嚟打邊爐都唔錯。
「豪食海鮮拼盤」鮑魚、蜆、蝦、蠔、帶子、魚片排得幾靚仔，整體新鮮，可惜蠔就好麻麻。
豪食牛肉拼盤有睇頭，標註清晰，一次可以食晒八款牛肉，每款都有肉味，高質。
任食火鍋配料方面，牛肉當然要勁點，大大片，但我最like係鹿兒島茶美豚，肉香細嫩，食起嚟好清爽，唔覺有滯膩感。
仲有少見嘅黑柏葉，自己去街市好難買到，天然呀！
張貼
