影片
更多
2022-11-14
92 瀏覽
之前有想walkin黎呢度打邊爐，結果因為full booking食唔到😩今次預早book定位，試下呢間咁受歡迎既邊爐放題～🔸豪食套餐🔸一個價錢包晒刺身、炸物小食、雞煲同打邊爐✨先黎一人一盅熱辣辣既燉湯，入面有蟲草花、杞子、雞腳等好足料！餐前小食有蟹籽沙律同炸物可以揀，連炸大腸同鮑汁雞腳都有，即叫即炸好香口🤤食完小食有刺身拼盤，呢度既刺身質素都唔錯👍雖然刺身冇得encore，但緊接之後仲有得揀酸菜魚或者雞煲～我地揀左惹味既雞煲，未打邊爐已經咁多野食，太豐富都有d擔心會飽左一半🙈食完雞煲主角終於出場，海鮮拼盤有蟶子、鮑魚、蠔、龍躉片、白鱔片、蜆同蝦😍食得出全部海鮮都好新鮮，蟶子都幾大隻，熟左都冇乜縮水～蠔唔會腥，蝦肉爽彈、蝦頭仲有蝦膏～正😋牛肉拼盤同樣出色，一盤試到七種牛肉，有肉味香濃既封門柳同澳洲和牛，仲有比較少有既吊龍伴同五花趾😳除左呢個一次性既拼盤外，任叫既澳洲M8和牛肩胛肉都唔差，肥瘦適中有肉味👍唔夠仲可以係QR code order其他火鍋配料，推薦要試下呢度既丸類同黑白墨魚滑，特別係濃汁牛肉丸，拍得住單點火鍋既質素～爆汁好好味😋墨魚滑有墨魚粒係入面，口感同味道都好有驚喜👍食物
🔸豪食套餐🔸
一個價錢包晒刺身、炸物小食、雞煲同打邊爐✨先黎一人一盅熱辣辣既燉湯，入面有蟲草花、杞子、雞腳等好足料！
餐前小食有蟹籽沙律同炸物可以揀，連炸大腸同鮑汁雞腳都有，即叫即炸好香口🤤
食完小食有刺身拼盤，呢度既刺身質素都唔錯👍雖然刺身冇得encore，但緊接之後仲有得揀酸菜魚或者雞煲～我地揀左惹味既雞煲，未打邊爐已經咁多野食，太豐富都有d擔心會飽左一半🙈
食完雞煲主角終於出場，海鮮拼盤有蟶子、鮑魚、蠔、龍躉片、白鱔片、蜆同蝦😍食得出全部海鮮都好新鮮，蟶子都幾大隻，熟左都冇乜縮水～蠔唔會腥，蝦肉爽彈、蝦頭仲有蝦膏～正😋
牛肉拼盤同樣出色，一盤試到七種牛肉，有肉味香濃既封門柳同澳洲和牛，仲有比較少有既吊龍伴同五花趾😳除左呢個一次性既拼盤外，任叫既澳洲M8和牛肩胛肉都唔差，肥瘦適中有肉味👍
唔夠仲可以係QR code order其他火鍋配料，推薦要試下呢度既丸類同黑白墨魚滑，特別係濃汁牛肉丸，拍得住單點火鍋既質素～爆汁好好味😋墨魚滑有墨魚粒係入面，口感同味道都好有驚喜👍
食物質素唔錯，環境都坐得舒服，難怪呢度放題長期爆滿～岩晒一班朋友邊傾邊食，食足三四個鐘，超滿足捧住個肚番屋企🙈
張貼
