影片
更多
2023-12-04
877 瀏覽
響飲食平台不斷都有提及呢間家嫂一家大細火鍋 ,尤其是火鍋佢係無限時,所以決定今晚同家人慶祝生日試下踩場😋入到嚟環境非常優雅走中國風 , 入座後職員就放下幾點𠮩𠹌前菜,例如有蝦多士, 花生辣菜脯,皮蛋酸薑 ,黑糖糍粑等等 。之後再來一條需要兩個職員台上枱嘅刺身船, 場面非常震撼加上煙霧瀰漫增加食慾,打咭一流,而職員亦好專業幫大家影相😂刺身船裏面材料亦非常豐富, 我大概只記得有甜蝦 帶子 三文魚 吞拿魚 鮑魚 及海膽(附上紫菜)等等... 刺身材料非常 新鮮,唔似一般日式放題 貨色!另外再來一個雞煲 ,打開蓋之後原來係非一般嘅雞煲,裏面除咗滑雞之外還有卜卜蜆及豬皮 ,豬皮出奇性係彈口的 ,(雞煲是可以免費追加的)嘆完雞煲之後就開始火鍋,我哋揀咗個椰子水湯底 ,水滾後先來一口靚湯 ,之後海鮮放鍋上 ,海鮮亦非常之多種類, 因為太多不能盡錄,我淨係記得都係有海蝦 鮑魚 蜆 東星斑 脆蟮片等等。 之後再來一個擺得非常之精緻好似盆栽一樣嘢雜菜盤, 以及 三色丸 黑豆腐竹 以及 份量非常多嘅 炸魚皮,佢仲係用個 雀籠包住 ,噱頭十足。 而肉類雖然佢只得肥牛或豬肉片選擇 ,但係質素都唔算太差,當然唔可
入到嚟環境非常優雅走中國風 , 入座後職員就放下幾點𠮩𠹌前菜,例如有蝦多士, 花生辣菜脯,皮蛋酸薑 ,黑糖糍粑等等 。
之後再來一條需要兩個職員台上枱嘅刺身船, 場面非常震撼加上煙霧瀰漫增加食慾,打咭一流,而職員亦好專業幫大家影相😂
刺身船裏面材料亦非常豐富, 我大概只記得有甜蝦 帶子 三文魚 吞拿魚 鮑魚 及海膽(附上紫菜)等等... 刺身材料非常 新鮮,唔似一般日式放題 貨色!
另外再來一個雞煲 ,打開蓋之後原來係非一般嘅雞煲,裏面除咗滑雞之外還有卜卜蜆及豬皮 ,豬皮出奇性係彈口的 ,(雞煲是可以免費追加的)嘆完雞煲之後就開始火鍋,我哋揀咗個椰子水湯底 ,水滾後先來一口靚湯 ,之後海鮮放鍋上 ,海鮮亦非常之多種類, 因為太多不能盡錄,我淨係記得都係有海蝦 鮑魚 蜆 東星斑 脆蟮片等等。
之後再來一個擺得非常之精緻好似盆栽一樣嘢雜菜盤, 以及 三色丸 黑豆腐竹 以及 份量非常多嘅 炸魚皮,佢仲係用個 雀籠包住 ,噱頭十足。 而肉類雖然佢只得肥牛或豬肉片選擇 ,但係質素都唔算太差,當然唔可以用A級和牛相比啦。
但係若果我見大家如果鍾意食海鮮嘅話可以不斷進攻海鮮,因為係可以追加的 ,甜品方面都有好多種唔同味道嘅雪條,例有榴槤味啦 椰子紫薯味啦 以及黑糯米味 ,而到大約七點半之後更有紅酒白酒及日本清酒任飲,有職員推薦一架會發光嘅車仔逐枱問客需唔需要,而雪櫃亦有好多款自家制涼茶及各式罐裝飲品,亦有熱茶提供。
總括嚟講呢一間算係中等價錢嘅火鍋店,但佢亦都畀到相等價錢嘅食物質素畀大家 ,而且海鮮類以及餐前小點都可以追加 ,又係無限時大家可以由五點鐘食到 差不多九點半 一定滿足到大家 。
刺身船可能要五人以上先至有一條, 如果係人少可能只有一個 平時日式放題個擺設一樣, 而六位以上book枱事前需要先畀按金$500蚊 ,而今晚亦全場爆滿,各位要注意哦,如想食好嘢,相信大家都要早些訂枱呀。
張貼