影片
更多
2022-06-21
52 瀏覽
為食火鍋公司📍觀塘創業街15號萬泰利廣場地下C號舖呢間係一間無限時任食火鍋，星期一至四都係$268一位，其他時間都只係加十蚊，同普通任食火鍋差唔多價錢但係可以坐更耐食更多嘢，令到我哋成班friend可以坐好耐傾好耐，係一個抵食之選🥰🌇環境好少見到pet friendly嘅餐廳，所以都幾印象深刻，四處都有啲動植物為主嘅裝飾，並且好可愛又貼心咁整咗個導盲犬專座，成個觀感好舒適💞🥘食物呢間餐廳有個好有趣同好有儀式感嘅位係，通常打邊爐都唔會分次序咁食架嘛，唔會有前菜主菜之分，但係呢間餐廳就有，佢會係我哋嗌曬小食之後先上主菜，所以我覺得呢個都幾與眾不同，所以接下嚟我都會用噉嘅順序嚟介紹下👍❤️前菜呢個係無限咁嗌嘅，但係一開始上雞煲就唔可以翻嗌了，有炸瘋薯條、甜番薯條、唐揚脆炸雞、蟹籽沙律、酸甜炸大腸、鮑汁雞腳呢幾種，份量都唔係好多所以可以放心嗌曬咁多種，我自己就比較推薦瘋薯條同蟹籽沙律，前者嘅薯仔味好重，幾惹味，後者就係啲青瓜絲撈蛋黃醬and蟹籽，好清新好開胃～😋❤️刺身接下嚟就係刺身啦，刺身就一次性咁嗌嘅，估唔到一間火鍋店嘅刺身都幾有水準，有大蝦、三文魚、北寄貝，全部都係新鮮嘢，幾鮮甜，尤其係嗰大
📍觀塘創業街15號萬泰利廣場地下C號舖
呢間係一間無限時任食火鍋，星期一至四都係$268一位，其他時間都只係加十蚊，同普通任食火鍋差唔多價錢但係可以坐更耐食更多嘢，令到我哋成班friend可以坐好耐傾好耐，係一個抵食之選🥰
🌇環境
好少見到pet friendly嘅餐廳，所以都幾印象深刻，四處都有啲動植物為主嘅裝飾，並且好可愛又貼心咁整咗個導盲犬專座，成個觀感好舒適💞
🥘食物
呢間餐廳有個好有趣同好有儀式感嘅位係，通常打邊爐都唔會分次序咁食架嘛，唔會有前菜主菜之分，但係呢間餐廳就有，佢會係我哋嗌曬小食之後先上主菜，所以我覺得呢個都幾與眾不同，所以接下嚟我都會用噉嘅順序嚟介紹下👍
❤️前菜
呢個係無限咁嗌嘅，但係一開始上雞煲就唔可以翻嗌了，有炸瘋薯條、甜番薯條、唐揚脆炸雞、蟹籽沙律、酸甜炸大腸、鮑汁雞腳呢幾種，份量都唔係好多所以可以放心嗌曬咁多種，我自己就比較推薦瘋薯條同蟹籽沙律，前者嘅薯仔味好重，幾惹味，後者就係啲青瓜絲撈蛋黃醬and蟹籽，好清新好開胃～😋
❤️刺身
接下嚟就係刺身啦，刺身就一次性咁嗌嘅，估唔到一間火鍋店嘅刺身都幾有水準，有大蝦、三文魚、北寄貝，全部都係新鮮嘢，幾鮮甜，尤其係嗰大蝦，十分爽彈啊！💕
❤️雞煲
再嚟就係寵寵雞煲啦，同樣都係一次性嘅，味道濃郁，少少辣，雞件嫩滑，而份量又唔會多到令人飽得滯而食唔到接下嚟嘅火鍋，好貼心🤩
❤️火鍋
我哋叫咗高湯牛尾湯底，見到有好大嚿牛尾喺入面，真材實料好健康
而且呢個套餐有包一次性嘅為食牛肉拼盤同海鮮拼盤，同埋任食嘅火鍋料，但係如果食肉唔夠喉嘅話，仲可以嗌肥牛，我就最推薦黃喉同吊龍，前者食落好彈牙，後者就好重牛味，十分好食，而其餘火鍋料都屬於水平以上，一啲都唔會因為咁長時間嘅飲食而hea畀你，好有良心㗎！🥳
❤️甜品
最後每人仲送咗碗牛奶凍，好香奶味，食到咁飽都可以食得落～🥰
張貼
