為食火鍋公司

營業中

休息中

今日去開觀塘搵朋友，順便一齊食晚餐佢話公司附近有一間可以無限時打邊爐方便我哋可以慢慢傾偈。呢度嘅裝修全部都係圍繞哥基狗例做主題真係非常之可愛，喺食主菜之前套餐仲有啲小食同埋刺身添，小食就我就比較鍾意食鮑汁雞腳整得非常之入味，同埋個炸大腸都非常之香口。刺身方面就有三文魚，北極貝同甜蝦全部都非常鮮甜同新鮮啲質素真係唔錯。打邊爐之前仲可以食埋酸菜魚或者雞煲二選一，今次我哋就選擇咗酸菜魚。魚肉非常之嫩滑而且仲配上薯粉十分入味。最後終於嚟到打邊爐環節，每一枱都會附送一碟嘅牛肉拼盤同埋海鮮拼盤，海鮮拼盤入邊包括有生蠔，蜆，元貝，蝦同埋魚片。食材食得出真係非常之新鮮，而且個牛肉拼盤都非常高質，牛味十分濃郁。另外仲有啲任食嘅配菜都有非常之多嘅選擇。整體嚟講餐廳一個優惠價錢可以做到無限時任食，真係非常之抵食啊！啱晒鍾意慢慢傾偈慢慢食嘅朋友仔。