為食火鍋公司

營業中

休息中

當日準時同朋友去到呢間無限時任食火鍋，揀咗最豪華果個餐嘗試，一開會有個豬煲雞腳嘅靚湯俾你飲，跟著可以一邊飲一邊點任食嘅餐前小食，個炸大腸同甜蕃薯條都幾香口惹味。之後食夠小食就可以上雞煲（或者可以揀酸菜魚），但就無得再叫小食，喜歡的小食可以叫定多少少再上雞煲，由於雞煲可以任意添食，所以當日揀咗雞煲，因應個人喜好食到夠為止。然後就可以換火鍋同刺身，咁首先刺身都係一般正常嘢，每款每人兩件左右，同時有一次性嘅海鮮拼盤同牛肉拼盤，兩個拼都唔差嘅，牛肉方面比較精緻（細細塊咁囉），之後可以向店員order任食火鍋配料，飲品可以在飲品櫃自取。當晚差不多食咗4個鐘，咁食完嘅感想係可以一試的，店員服務態度親切值得一讚，唔揀最貴嘅套餐其實都可以，相差不大，食物款式唔算太多，亦無乜好特別嘅項目，不過勝在唔限時任食，坐位亦都舒適寬落，同朋友坐低傾計慢慢食最適合，餐廳位置喺大街，好易搵，美中不足係酒類飲品是付費項目，對於打邊爐想飲返兩杯就自己考慮了。