影片
更多
2017-05-10
172 瀏覽
係尖沙咀天文台道有新大廈，入邊開咗好多餐廳酒吧設計都係比較新穎嘅。其中有一間叫做酒鍋，就同佢個名咁簡單係賣酒同埋火鍋嘅。入邊裝修設計好潮，音樂都係播着一啲英文流行曲，樓底好高設計有中國特色之餘，又好型格，例如紅色大門，陶器，塗鴉。首先我哋叫咗一個四國豐味鍋：其實即係四合一，一次過滿足你四個願望，最啱貪心嘅食客。入邊有青咖喱海鮮鍋(好香椰汁味，真係泰菜咁款)、四川麻辣鍋(撈底會見到好多香料，唔怪得知咁辣咁麻，不過真係愈食愈刺激)、肉骨茶鍋(好重藥材咁既味啦，好滋補咁款，鐘意佢個d骨連軟骨，煲到最後，骨肉分離)同埋青酒花甲椰子雞鍋(我最鐘意呢格，好清，而且椰子係我favourite)。每一個湯底都係用足料，可能淨係食個鍋入邊嗰啲餸都夠飽。不過實在太肚餓，所以叫咗一個小食頂住肚先。有鬼五馬六(油炸鬼塞滿花膠上邊有一層黑松露醬)、紫蘇蝦餅(開頭以為佢淨係得兩塊葉，紫蘇葉原來一邊係包左蝦膠架，有驚喜)、炭燒豬頸肉(比較遜色，因為肉質都比較乾。)同埋藍乳炸雞翼(個漿其實都幾脆同埋薄，食落去個雞翼係夠晒味道。)。蔬菜類叫咗個蔬菜拼盤，好得意有紫色椰菜花、南瓜、栗米仔、蕃茄仔、油麥菜、菜心、白菜仔。雜
係尖沙咀天文台道有新大廈，入邊開咗好多餐廳酒吧設計都係比較新穎嘅。其中有一間叫做酒鍋，就同佢個名咁簡單係賣酒同埋火鍋嘅。
入邊裝修設計好潮，音樂都係播着一啲英文流行曲，樓底好高設計有中國特色之餘，又好型格，例如紅色大門，陶器，塗鴉。
首先我哋叫咗一個四國豐味鍋：其實即係四合一，一次過滿足你四個願望，最啱貪心嘅食客。
入邊有青咖喱海鮮鍋(好香椰汁味，真係泰菜咁款)、四川麻辣鍋(撈底會見到好多香料，唔怪得知咁辣咁麻，不過真係愈食愈刺激)、肉骨茶鍋(好重藥材咁既味啦，好滋補咁款，鐘意佢個d骨連軟骨，煲到最後，骨肉分離)同埋青酒花甲椰子雞鍋(我最鐘意呢格，好清，而且椰子係我favourite)。每一個湯底都係用足料，可能淨係食個鍋入邊嗰啲餸都夠飽。
不過實在太肚餓，所以叫咗一個小食頂住肚先。有鬼五馬六(油炸鬼塞滿花膠上邊有一層黑松露醬)、紫蘇蝦餅(開頭以為佢淨係得兩塊葉，紫蘇葉原來一邊係包左蝦膠架，有驚喜)、炭燒豬頸肉(比較遜色，因為肉質都比較乾。)同埋藍乳炸雞翼(個漿其實都幾脆同埋薄，食落去個雞翼係夠晒味道。)。
蔬菜類叫咗個蔬菜拼盤，好得意有紫色椰菜花、南瓜、栗米仔、蕃茄仔、油麥菜、菜心、白菜仔。
雜菌拼盤就有晒全部，秀珍菇、金針菇、鮮冬菇、雞髀菇、靈芝菇。
同埋叫咗個手打蝦丸同手打墨魚丸：手打墨魚丸比手打蝦丸好食同埋彈。
頂級手切肥牛，油脂分布平均，油花靚，但係牛味又唔太重。
豚肉好薄好快熟。
雜餃，蛋皮餃(包洋蔥豬肉碎)、韮菜餃同鮮蝦水餃，正常！
芝士腸同黑椒牛丸
熱辣辣，可能鮮整起，特別好味，就咁食都好正！
蝦同蜆，在我地面前，個蝦仲識郁，所以一定夠曬甜！
好得意，燈膽既外形，叫左兩杯健康飲品：芧根竹庶同紫貝天KWAI。
只想酒吧都有互外位同朋友吹水。只係湯底都贏曬，食材新鮮多選擇，正！
張貼
