小桃咖啡室 (已結業)

朋友介紹知道有小桃咖啡室，位置好近times square, 好方便！由於book咗位所以唔使等就有得入，星期五嘅關係都幾full吓！店員拎好多個set嘅餐牌過嚟，有seafood platter嘅二人set! 諗都唔諗就叫咗！個set先包一人一杯wine! 如果唔飲酒可以轉特飲，我叫咗呢杯由店員特別推介嘅奧利奧女神！超好味！等咗一陣就有嘢食啦~seafood platter！ 不禁呆一呆！好大盤喎！最eye catchy係超大隻嘅龍蝦！仲有螺有大蝦！全部都好新鮮，好好食！份量對兩個人嚟講係超豪華！之後就係煙三文魚沙律！不過不失啦，啲菜都好新鮮嘅！之後再嚟鵝肝！賣相好靚！鵝肝仲有一塊塊多士仔同茄粒粒絆碟，食落會覺得無咁油好細心~但其實個人真係好鐘意食油油嘅鵝肝xDD！都幾好食之後就有個餐湯同包包！包夠熱好軟好味！湯就一般般…再嚟一客豬仔骨配薯條！豬仔骨啖啖肉，個汁甜甜地好開胃！薯條有層芝士喺面！正呀! 可惜到咗呢個時候嘅戰鬥力已經好薄弱啦! KO到豬仔骨 (講堅真係好食到停唔到…), 著條都食唔完…>< 超浪費最後仲有甜品TIM呀! 好彩只係細細件咁… 唔係真係太浪費!