韓牛牧場 (已結業)

揀咗個平啲嘅世子牛盛放題，每檯有一份定量刺身及海鮮拼盤、手作刺身韓牛壽司及韓國醬油蝦。刺身幾新鮮，三文魚、甘蝦、帶子、八爪魚、油甘魚、北寄貝。手作刺身韓牛壽司細細件好食，用上醋飯。醬油蝦好特別。定量仲有安格斯牛肉眼扒，唔算大塊，肉質較結質～有牛味。食物放上爐燒就可以，火力相當夠。定量仲有海鮮拼盤，海鮮新鮮度相對地一般。點左啲小食例如豬大腸、泡菜餅、天婦羅蝦等等。食物算多元化。味道可以！我最欣賞嘅係呢度嘅甜品，佢有唔同嘅韓式雪糕，我就揀咗紅豆糯米糍，不錯。