影片
更多
2020-03-04
1632 瀏覽
今晚收工突然心血來潮想食韓燒，就約埋同事，喺朗豪坊搵咗間叫Lab 10 嘅餐廳。見到餐廳做緊一周年優惠，就係任食無煙燒肉，每位只需要$248，梗係揀任食啦！因為疫情關係，餐廳職員會喺門口幫你雙手消毒同探熱。入嚟見到每2個座位中間，都有隔板隔住，的確十分衛生。平時韓燒食得多，通常都好大煙，食完件衫索晒啲味。呢間餐廳主打係無煙燒肉，直情係燒爐左右有抽風系統，直接抽走晒啲油煙味，就唔怕食完成身都係燒肉味啦。好啦，講返任食燒肉。燒肉包括有牛脷，雞肉，豬仔骨，牛板腱，豬頸肉，牛後腹同一口牛，統稱為牛牛板。記得每種肉，都記低佢哋嘅味道，方便到時任食再encore啊！我就至鍾意食豬仔骨同牛脷，雖然豬仔骨燒嘅時間比較耐，但係燒後好香口同埋juicy。牛脷使講啦，勁香牛味！基本上食完一round牛牛板，會飽咗一半。剩低既，就係食埋薯條同埋沙律。薯條同沙律都係任食，薯條會配埋芝士條一齊上，需要放喺爐上面慢慢煮溶，方便薯條點芝士。開頭以為芝士會好漏，點知食落原來係淡淡嘅芝士味，點多幾次都冇問題。食咁多燒嘢，梗係要食啲Fresh嘅沙律中和下。沙律係一樽樽的，入面有蕃茄仔，粟米，各款沙律菜，已經加埋沙律醬，一開
因為疫情關係，餐廳職員會喺門口幫你雙手消毒同探熱。入嚟見到每2個座位中間，都有隔板隔住，的確十分衛生。
平時韓燒食得多，通常都好大煙，食完件衫索晒啲味。呢間餐廳主打係無煙燒肉，直情係燒爐左右有抽風系統，直接抽走晒啲油煙味，就唔怕食完成身都係燒肉味啦。
好啦，講返任食燒肉。燒肉包括有牛脷，雞肉，豬仔骨，牛板腱，豬頸肉，牛後腹同一口牛，統稱為牛牛板。記得每種肉，都記低佢哋嘅味道，方便到時任食再encore啊！
我就至鍾意食豬仔骨同牛脷，雖然豬仔骨燒嘅時間比較耐，但係燒後好香口同埋juicy。牛脷使講啦，勁香牛味！
基本上食完一round牛牛板，會飽咗一半。剩低既，就係食埋薯條同埋沙律。薯條同沙律都係任食，薯條會配埋芝士條一齊上，需要放喺爐上面慢慢煮溶，方便薯條點芝士。開頭以為芝士會好漏，點知食落原來係淡淡嘅芝士味，點多幾次都冇問題。
食咁多燒嘢，梗係要食啲Fresh嘅沙律中和下。沙律係一樽樽的，入面有蕃茄仔，粟米，各款沙律菜，已經加埋沙律醬，一開就方便食用！
我覺得最吸引既，就係韓式梨汁牛五花！我哋一共食咗兩份，上面嘅醬汁酸酸甜甜，燒嘅時間唔耐，一放上去反兩反，基本就食得。入口即溶，勁香牛味！
因為一周年，Share 某社交平台仲送咗個海鮮拼盤。入面有生蠔，蝦，魷魚，鮑魚，硯等等，非常豐富。
嘢飲方面，我哋揀咗蘋果梳打同埋熱情果梳打，非常解渴。唔使講，都係任飲！
食咁多，每位只需要二百幾，就可以享受到低價靚牛，今餐真係要捧住個肚走，哈哈。
張貼
