正宗水上人氣鍋專門店 (已結業)

無添加。鮮味樂無窮個個都話海鮮蒸氣火鍋正，宜家開到成行成市，今次簡左呢間，因為佢門面靚環境好價錢黎講唔算便宜，但又食到龍蝦、蟹、蜆、蠔，如果夠鮮味都一定物有所值，今次叫左$498套餐，因為有齊想食既野D蜆真係又大又靚，上碟又放哂花伴碟，影相呃like最好食都食得開心dd蜆好食夠鮮味，唔會太多海水太咸，尤其呢個胭脂捲蚌，好鮮甜又大隻，一咬落好多汁海鮮拼盤都放得超靚，好似日底刺身，望見都流哂口水，隻生蠔好似手掌咁大，仲有大蟶子⋯生蠔蒸完都無縮太多水，依然見美，咬落去好有回甘。龍蝦啖啖肉仲有膏，蟶子個個醬有d辣但可以吊到個鮮味，全部我都無加添味料，只食佢最原汁原味，新鮮既海鮮絕對唔需要調味，蒸氣火鍋又健康d開頭以為佢好少唔夠飽，但又有蟲草花雞、菜同粥，個粥都食唔哂，仲有哂配料，認真貼心！服務員會計好時間幫手煮，快速換碟同倒茶，拔粥拔野食樣樣齊。有新鮮海鮮、有環境、有服務，物超所值！