影片
更多
2023-05-14
40 瀏覽
連鎖嘅打邊爐食得多，有時都想試吓呢啲小店真材實料嘅火鍋！呢間小店唔算太大，有兩層高，仲有啲包廂位置。呢間邊爐主打藥膳湯底，寫咗每款湯底有啲咩主要功效，好有心思！每款都好足料，今次試咗佢個椰子雞先，有半隻文昌雞，用咗兩個椰皇兩個椰青，無添加一滴水去做個湯底，先飲湯再食雞，好味又養生！❤️🔥小店24小時營業，平時行開旺角想食個宵夜又或者係飲啖湯，呢個都係唔錯嘅選擇！------------------------------🐓◖秘製泰國椰子雞鍋（半隻）◗ $248 店員會過嚟幫你落珍珠馬蹄同椰肉，再倒入兩個椰皇同椰青嘅汁，加入文昌雞煮滾佢，再熄火焗5分鐘，時間要掌握得好好，先可以保持到雞肉嘅嫩滑～煮好之後飲咗兩碗椰子雞湯，椰汁清甜有淡淡嘅雞味，好好飲！佢嘅雞件都煮得啱啱好，索左椰子嘅清甜，雞肉幾嫩滑！🧆◖澳洲純牛筋丸◗ $68牛筋丸有八粒，咬落去幾Juicy，裏面撈埋啲牛筋好有咬口，咬落去啲油脂慢慢滲出嚟，牛味好香！🥬◖油麥菜◗ $28食呢個清湯底一定要叫菜，一嚟消滯解膩，啲菜吸晒啲湯汁食落超甜超好食！🍜◖紅薯粉◗ $18佢嘅紅薯粉係幼條狀，好似毛毛蟲咁，索咗啲湯甜甜地，煙韌有咬口，可以煮
❤️🔥小店24小時營業，平時行開旺角想食個宵夜又或者係飲啖湯，呢個都係唔錯嘅選擇！
------------------------------
🐓◖秘製泰國椰子雞鍋（半隻）◗ $248
店員會過嚟幫你落珍珠馬蹄同椰肉，再倒入兩個椰皇同椰青嘅汁，加入文昌雞煮滾佢，再熄火焗5分鐘，時間要掌握得好好，先可以保持到雞肉嘅嫩滑～煮好之後飲咗兩碗椰子雞湯，椰汁清甜有淡淡嘅雞味，好好飲！佢嘅雞件都煮得啱啱好，索左椰子嘅清甜，雞肉幾嫩滑！
🧆◖澳洲純牛筋丸◗ $68
牛筋丸有八粒，咬落去幾Juicy，裏面撈埋啲牛筋好有咬口，咬落去啲油脂慢慢滲出嚟，牛味好香！
🥬◖油麥菜◗ $28
食呢個清湯底一定要叫菜，一嚟消滯解膩，啲菜吸晒啲湯汁食落超甜超好食！
🍜◖紅薯粉◗ $18
佢嘅紅薯粉係幼條狀，好似毛毛蟲咁，索咗啲湯甜甜地，煙韌有咬口，可以煮到最後先食！
🥣◖醬料◗ $18
食椰子雞建議醬料可以落蔥、蒜、芫荽同辣椒，加入青檸同醋，酸酸辣辣咁幾惹味！
🌟 Encore指數：8.5/10
1 瀏覽
0 讚好
0 留言
張貼
