無極手工麵.燒烤.私房料理 (已結業)

好耐無食串燒，今日放工行過見到呢間無極手工麵×燒烤，即刻試試先！鋪頭地方好大，d店員好後生，6點時間尚早，人流唔算多，但到7點幾8點，基本上已經坐滿了食客。台面上除左有基本既辣椒醬仲有醃製左既辣蘿白，好爽口，既開胃又惹味。車厘茄串燒，熱辣辣配上調味粉，正👍雞軟骨燒得好入味，一碟有兩串，抵食！生蠔同扇貝好肥美，配上蒜蓉，食指大動😋牛柳粒，呢個好出色，烤得岩岩好，肉質上乘，推介！酸辣皮蛋，正過譚仔果d🤩調味係重點，酸辣配搭得宜👍炸尖椒，食到一舊好辣🥵 不過辣先過癮🤣烤原條粟米，色香味俱全，抵食👍👍呢到實在有太多野食，下次黎會再試佢個手工麵同私房菜！