茶狼 (已結業)

約咗朋友係觀塘食飯，食完飯冇嘢做最好就搵個地方坐下傾吓計，有朋友之前講過話茶狼幾好飲，所以就喺APM揀咗呢間野試吓。叫咗杯鮮橙水果茶，味道一般，有啲似平時傷風感冒唔舒服報嗰啲橙，因為佢真係好橙下，唔係話唔好飲，但亦都唔能夠稱得上話好好飲，可能係我揀錯咗嘢飲吧，同一杯野我就唔會飲第二次㗎啦，但係有機會嘅話都會想試吓其他水果茶嘅。不過佢裝修係幾靚嘅，啲位都幾好坐，不過都好多人嘅時候就會聽到隔離枱嘅人講嘢，因為啲枱都幾迫，如果少人嘅話都算係一個傾計嘅好地方。