不過朋友仔話打得邊爐多，都要搵啲有新意嘅！最好就湯底多選擇，有串燒、有刺身、有海鮮、有靚牛、有小食，咁就差唔多啦！😂呢度真係可以滿足晒佢咁多個願望！
湯底我哋揀咗冬瓜花膠雞絲翅，真係有大大塊花膠喺裏面㗎 ！係烚吓烚吓之前每人都要飲返一碗湯潤潤喉嚨先！
店員例牌放低醬油盤，我地混完醬就急不及待開始食啦！
話明要靚牛，梗係要叫頂級安格斯肥牛啦！厚薄適中！有咬口又夠牛味，肥瘦岩岩好！啱晒食肉獸！
不得不提呢度嘅黑毛豬都好正！唔食牛嘅都仲有好多選擇！
除咗打邊爐呢度都仲有好多款小食可以選擇，我哋仲叫咗醉鴨舌，送啤酒一流！好入味，又夠滑！
最近佢哋仲推出埋串燒，真係俾你玩晒！雞心、雞腎都處理得好好，唔會有蘇味又唔會太硬！
嫌唔夠喉仲可以帶埋刺身添！
食完仲有甜品椰汁糕送 ！ 真係冇得彈！
