影片
更多
2017-08-10
162 瀏覽
小編既第一次就真係比左呢間餐廳🤦🏻♂️講緊既第一次，就係食過呢間無敵神級不得了既打邊爐😍🥘🥘真係無誇大，特別係如果大家平時係食開吉野家既邊爐or中/日式既邊爐，價錢大約$200一位有交易既果d，(當然唔係講果d唔好，小編都經常食呢d邊爐) 不過，當你去一次呢間101 Grill Bar + Hotpot 佢地位於銅鑼灣既分店食一次之後，真係會知道，咩叫做一分錢一分貨，同埋任食即係打邊爐，都有種無敵神級，超級高質嘅感覺總之小編同一位友人由開始食，到食完，大家都係嘩嘩聲😂😂😂😂位於銅鑼灣金朝陽中心二期29樓嘅佢，全棟都係食肆黎。本身係地下大堂有靚女幫客人拉門，呢下感覺都覺得與別不同，好高級嘅感覺。(雖然唔關呢間餐廳事)不過上到來，一出𨋢，就已經見到一間好似高級西餐廳裝修禁既餐廳，佢就係呢間 101 Grill Bar + Hotpot 啦 由於時間尚早，當時只係大約晚上嘅6:15pm，所以小編係今晚餐廳嘅第一位客人跟隨住侍應嘅帶位，由大門行入來座位，成個感覺都已經唔簡單，真係講俾你聽，呢度係食任食打邊爐你都唔信啦，都係果句，似高級嘅西餐廳多啲喎嘩！雖然唔係無敵果隻，但係都有海景喎呢個位置，
小編既第一次就真係比左呢間餐廳🤦🏻♂️講緊既第一次，就係食過呢間無敵神級不得了既打邊爐😍🥘🥘
真係無誇大，特別係如果大家平時係食開吉野家既邊爐or中/日式既邊爐，價錢大約$200一位有交易既果d，(當然唔係講果d唔好，小編都經常食呢d邊爐) 不過，當你去一次呢間101 Grill Bar + Hotpot 佢地位於銅鑼灣既分店食一次之後，真係會知道，咩叫做一分錢一分貨，同埋任食即係打邊爐，都有種無敵神級，超級高質嘅感覺
總之小編同一位友人由開始食，到食完，大家都係嘩嘩聲😂😂😂😂
位於銅鑼灣金朝陽中心二期29樓嘅佢，全棟都係食肆黎。本身係地下大堂有靚女幫客人拉門，呢下感覺都覺得與別不同，好高級嘅感覺。(雖然唔關呢間餐廳事)
不過上到來，一出𨋢，就已經見到一間好似高級西餐廳裝修禁既餐廳，佢就係呢間 101 Grill Bar + Hotpot 啦
由於時間尚早，當時只係大約晚上嘅6:15pm，所以小編係今晚餐廳嘅第一位客人跟隨住侍應嘅帶位，由大門行入來座位，成個感覺都已經唔簡單，真係講俾你聽，呢度係食任食打邊爐你都唔信啦，都係果句，似高級嘅西餐廳多啲喎
嘩！雖然唔係無敵果隻，但係都有海景喎呢個位置，就係侍應安排小編就坐，之後向外望嘅境況。。位於29樓嘅佢，果然真係佔盡地理環境優勢，又要再講多次，任食打邊爐竟然有埋維港景色睇
不過其實除咗呢個風景可以比客人欣賞之外，其實大家望到出面呢度就一個室外嘅地方，餐廳都歡迎客人拎埋野飲走出去chill一chill， 同時亦都係一個吸煙區嚟架，真係啱晒食煙嘅朋友仔啦
呢個咁正嘅環境，真係完全俾佢吸引住，就算好肚餓，啲嘢食未黎，你對眼都起碼已經滿足左一大半啦(真係除非你每餐都望住禁既靚景食飯，係就無得好講🙈🙈)
2 瀏覽
0 讚好
0 留言
望完靚景，野食都係未黎既同時，你就可以先自選自製適合自己既調味醬料呢度雖然提供既醬料唔算多，不過就夠曬整齊，大大盤放係枱面比你仼揀仼用當中包括炸蒜，生蒜，芫茜，辣椒等等。
4 瀏覽
0 讚好
0 留言
第一樣先黎既呢個食物，就係套餐包埋既前菜。呢個都係非一般既前菜，唔係花生，唔係沙律，唔係麵包，而係手工麻辣麻醬手撕雞，同埋秘制麻辣木耳
呢兩款禁既前菜，真係少有啦掛🙈左邊既手撕雞，雞肉大大塊，又唔Un，唔會覺得肥膩，感覺有啲似食上海菜嘅雞絲粉皮🙈右邊既麻辣木耳味道就更鮮明，小小酸辣嘅感覺，非常爽脆，口感一流，所以兩款前菜都好開胃重點係，仲可以無限追加添
1 瀏覽
0 讚好
0 留言
其實落咗order之後，大約10分鐘內，個湯底終於嚟到喇其實佢同時亦都係一個主菜嚟，佢就係台灣香辣三杯雞唰唰鍋只係聽個名，就知道呢度嘅湯底同平時嘅餐廳已經好唔同🙈
先講賣相，真係比較少見一個咁大嘅湯底，入面嘅配料分佈同埋鋪排相當鮮明，咁啱呢一個係三杯雞唰唰鍋，感覺又有啲似食緊雞煲咁又係湯底又係主菜嘅佢，所以味道更加一啲都唔馬虎，每一樣嘅配料都好好食，例如相當入味大大舊嘅豆卜，爽口彈牙嘅豬肉丸，當然重點就係啲雞啦啲雞件既肉質相當鮮嫩，亦都食得出佢嘅鮮雞味，數量都唔少架，如果兩個人食，絕對夠食
湯底方面，其實佢呢個湯底個味道唔算太濃烈，所以唔會覺得好Heavy，同時叫左小辣程度，所以辣辣地，成件事真係好開胃，如果大家諗唔到食邊隻湯底嘅話，特別啲，真係可以試吓呢一款
21 瀏覽
0 讚好
0 留言
好嘢真係陸續有來！呢個就真係小編強烈推薦，雖然其實係個套餐包埋，不過真係重點介紹呢一個超級神級好食嘅手切安格斯 Prime Grade 牛頸脊肥牛片(另外仲有兩款肉類俾大家揀既)
本身只係睇個名，都覺得應該唔錯，因為係安格斯肥牛🙈上到枱，只係睇個賣相，完全冇失望嘅感覺，大家可以睇吓啲肥牛。。。啲脂肪分布非常平均，非常新鮮嘅感覺，加上上菜用具嘅配搭，再加埋目測啲肥牛嘅數量都幾多，完全已經唔能夠拒絕
食埋落口，更加不得了，啱啱講咗，除咗佢嘅脂肪分布非常均勻，每一塊仲要切到薄一薄，所以放落湯底，拖10秒就可以食得，入口即溶嘅感覺，我真係詞窮，正到完全唔識形容
6 瀏覽
0 讚好
0 留言
由於圖片上載有限，同埋食物款式太多，所以上面呢啲嘅食物就縮圖同大家簡單介紹一下🙈
先講左邊嗰啲，分別係手工即炸響鈴，同埋手工即炸魚皮呢一份係每台如果食呢個套餐嘅，都已經包埋兩款食落，感覺都非常新鮮，非常爽脆，兩個人食，份量啱啱好添。
另外，右下角嘅，就係套餐入面，火鍋拼盤嘅其中一個選擇，呢一set就係101手工特選火鍋拼盤。入面嘅配料都幾特別架，當中包括，例如，黑色一舊嘅墨魚汁了結糖，黑松露蟹子海鮮軍艦，太極冬菇等等每一樣嘅味道都好好食，同埋份量都係兩件，完全照顧到客人嘅需要。
二右上角個幅圖，入面嘅食物就係另外追加嘅，都係比客人無限追加架，例如，多款蔬菜，麵類同埋多款火鍋配料！當中包括最特別嘅足八吋長既鱈場蟹棒呢個真係冇得頂，好似食兩條，就已經回咗本禁添啦🙈
5 瀏覽
0 讚好
0 留言
食物方面，真係不能盡數，另一個特別一定要提及嘅位置，就係套餐以外，需要另外加＄58 追加一份嘅時令海鮮拼盤其實大部份嘅食材都係套餐所包含，同埋無限追加嘅，不過呢個時令海鮮拼盤就例外啦，但係只係＄58嘅佢，就非常抵食
每一樣嘅海鮮都非常新鮮，小編當然係最鍾意入面嘅珍寶美國桶蠔啦🙈因為真係好大隻，非常新鮮！而另外大家見到，仲有原隻鮑魚食添真係叫人點可以唔加呢個海鮮拼盤呢
29 瀏覽
0 讚好
0 留言
嘢食就講得7788啦，如果要講，真係講成日都講唔完。不如講吓飲品啦，不過其實飲品，如果要講，又真係講一日都講唔完😂😂因為真係太正啦，好多你意想不到嘅飲品都有，等我跟住落嚟同大家講一講
左上角：盆栽珍珠奶茶 打邊爐都有珍珠奶茶飲，仲要大大杯，仲要咁靚，真係冇辦法唔叫黎飲不過，飲完就相對會比較飽。
以下落嚟都係酒精類飲品
左下角(白色透明) : 雞尾酒 - Mojito 薄荷葉嘅味道，好清新，酒味唔重，係打邊爐幾好配搭！
(都係果句，打邊爐竟然有雞尾酒飲)
左下角(橙色) : 雞尾酒 - Sex on the beach 走味都係唔太重，味道飲落有啲似雜果賓治
右上角(生啤) : 日本沖繩生啤 冰凍嘅生啤酒，打邊爐又真係點可以缺少呢！不過餐廳所用嘅並唔係藍冰或者獅威嗰啲嘅啤酒，竟然係日本沖繩生啤，又好似飲兩杯都回咗本啊
右上角(藍色) : 雞尾酒 - Blue Ocean果味比較重嘅雞尾酒之一，飲落都幾清新，加上有青檸梳打係入邊，所以都幾開胃
右下角(白酒) : 法國著名白酒 2015。係餐廳店長推介，亦係小編既強烈推介
6 瀏覽
0 讚好
0 留言
真係要俾個大特寫你！！！
呢個白酒真係不得了，係店長推介嘅白酒，亦都係名酒之一🙈Chateau Pierron Moelleux 2015 佢既味道偏甜，好易入口，所以好適合女仔飲。同時，打邊爐主要嘅食物都係鹹味，所以同所有嘅食材都形成一個強烈嘅對比小編真係強烈推介呢一個白酒比大家真係太正啊！
大家睇到上面嘅Menu ，其實套餐中包含甜品，不過圖片有限，真係上載唔到俾大家過目😢
小編同友人就揀咗木糠珍珠奶茶布甸，佢嘅味道都好唔錯非常濃郁嘅奶茶味，但係就以布甸嘅形式呈上，用來做最後嘅食物去完結今餐，真係非常非常滿足
總括而言，終於知道點解餐廳會將呢個套餐命名為，極上成人火鍋因為佢真係超級無敵冇得頂，所有提供嘅食材，份量，賣相，各樣野，都非常頂級同時，餐廳亦都提供無限量嘅酒精飲品， 所以，係比較適合成人去食嘅🙈
希望大家有時間都可以去試吓呢一間真係屬於極上頂級嘅任食打邊爐餐廳！另外值得一提嘅係，餐廳侍應嘅服務都唔錯架
大約總結一下所需嘅費用先 (每位計):
極上成人火鍋套餐: $388
醬料收費: $10
海鮮拼盤 (1人份量): $58
張貼
