泰海鮮 (已結業)

來吃三聖的這餐廳試過幾次，呢度真係又平又大份又好食，今次同幾個好朋友來吃。先來前菜，原來好大碟，必食豬扒和泰皇芝心蝦丸係好出名的名物，話說豬扒上有炸魚仔，其醬汁和洋蔥送飯是一流，另外的芝心蝦丸好驚喜，不過要小心食喔，咬下去勁流心！豉椒蟶子皇配煎米粉底，呢個不得了！大大隻，豉椒味好濃，還有配菜和好正的煎米粉底，完美無瑕。看蘋果秋生介紹過忌廉煮花甲，白酒味勁強，真係無介紹錯，送飯一流！油鹽水瀨尿蝦，識食一定係咁食，那些什麼椒鹽煮完全吃不到海鮮的鮮味。我哋想試呢個青山灣焗芝士龍蝦好耐喇，三種不同的芝士也沒有掩蓋龍蝦的鮮味，呢個真係好好好食！蒜蓉粉絲蒸元貝，大隻到傻，我真係見到都飽喇。說真今晚吃的很滿足，每位也是四百多，性價比好高！