南大門

營業中

休息中

一班姊妹聚腳要搵個好環境食下野傾下計，有朋友介紹去南大門食海鮮，我們book了星期六的中午，既可食多d都唔怕消化唔切，又可避開人潮，原來餐廳在鯉魚門最盡頭，雖然不及在路口的餐廳方便，但見到間餐廳自成一角，對住個無敵海景就覺得行耐d都值得，餐廳樓底高，落地大玻璃，海景一望無際。我們先去附近海鮮檔選取海鮮，買了九節蝦、扇貝、蝴蝶蚌、雙皮蟹，再加一條臘腸斑，是店住推介，海鮮檔直接交由餐廳處理，我們便一邊歎紅酒一邊傾計等食，朋友話呢度脆皮牛腩好特別所以決定一試，果然外脆內軟冇介紹錯，另外餐廳的廚師值得一讃，不同海鮮有不同煮法，味道火候掌握得很好，尢其是蒜蓉粉絲蒸扇貝，蒸得好爽甜，回味無窮，蝴蝶蚌亦好鮮甜，原來是時令海鮮，不是常有得食，雙皮蟹的膏超多，肉質鮮甜，最後餐廳還送上生菓及糖水，糖水是南瓜薏米，出乎意料咁好味，我毫不客氣要求送多一碗，為午餐劃上完美句號！值得一提是餐廳上層是露天向海的，下次再來一定要坐上面對住夕陽歎晚餐。