影片
更多
2018-05-25
355 瀏覽
之前經過已經見到呢度新開嘅餐廳景觀十分無敵，今日卒之有機會嚟試吓，餐廳裝修雅緻，門口有一幅極富中國色彩嘅圖畫，裏面個outdoor位極大，配以白色為主色調既藤椅，感覺十分悠閒。張氏獅子頭，獅子頭上枱嘅時候隔離竟然有一碗有如乒乓波大小嘅白飯，的的骰骰，實在令人驚喜，需知道獅子頭呢一類食物，有白飯餸係絕對會好味啲嘅，嗌一碗白飯又太多，宜家跟一細啖白飯，份量啱啱好餸哂個獅子頭，獅子頭口感軟腍，秉承正宗嘅濃油赤醬，餸飯送酒兩相皆宜。意大利黑醋炒雜蔬，用意大利黑醋嚟炒雜菜，呢啲咁有gimmick嘅嘢，我一定會嗌嚟試下，雜菜混雜著意大利黑醋嘅香味，酸酸甜甜，十分開胃。巴蜀口水雞，呢度嘅口水雞同平時喺川菜館食嗰啲口水雞好唔同，呢度嘅辣度比較溫和，仲好似落咗少少麻醬，加上面頭大量嘅炸蒜，芝麻同香蔥， 十分美味。羲和馳名烤鴨，個烤鴨嚟之前首先會上咗調味配料同埋塊皮先，淨係呢個陣式已經相當有氣勢，中間蒸籠入面嘅係包皮，核心嘅外圍配料除咗經典嘅蔥絲，青瓜絲同埋甜麵醬之外，仲有相當特別嘅山渣，芥辣，藍莓醬同埋爆炸糖，每種都會有店員介紹，用嚟配襯唔同嘅部位。首先上嘅係跳舞鴨皮，用跳舞呢兩個字係因為餐廳建議呢一道
之前經過已經見到呢度新開嘅餐廳景觀十分無敵，今日卒之有機會嚟試吓，餐廳裝修雅緻，門口有一幅極富中國色彩嘅圖畫，裏面個outdoor位極大，配以白色為主色調既藤椅，感覺十分悠閒。
張氏獅子頭，獅子頭上枱嘅時候隔離竟然有一碗有如乒乓波大小嘅白飯，的的骰骰，實在令人驚喜，需知道獅子頭呢一類食物，有白飯餸係絕對會好味啲嘅，嗌一碗白飯又太多，宜家跟一細啖白飯，份量啱啱好餸哂個獅子頭，獅子頭口感軟腍，秉承正宗嘅濃油赤醬，餸飯送酒兩相皆宜。
意大利黑醋炒雜蔬，用意大利黑醋嚟炒雜菜，呢啲咁有gimmick嘅嘢，我一定會嗌嚟試下，雜菜混雜著意大利黑醋嘅香味，酸酸甜甜，十分開胃。
巴蜀口水雞，呢度嘅口水雞同平時喺川菜館食嗰啲口水雞好唔同，呢度嘅辣度比較溫和，仲好似落咗少少麻醬，加上面頭大量嘅炸蒜，芝麻同香蔥， 十分美味。
羲和馳名烤鴨，個烤鴨嚟之前首先會上咗調味配料同埋塊皮先，淨係呢個陣式已經相當有氣勢，中間蒸籠入面嘅係包皮，核心嘅外圍配料除咗經典嘅蔥絲，青瓜絲同埋甜麵醬之外，仲有相當特別嘅山渣，芥辣，藍莓醬同埋爆炸糖，每種都會有店員介紹，用嚟配襯唔同嘅部位。
首先上嘅係跳舞鴨皮，用跳舞呢兩個字係因為餐廳建議呢一道點藍莓同埋爆炸糖，爆炸糖喺口入面跳脫嘅感覺，加上鴨皮嘅酥脆，跑多兩個圈都抵啊。
第二盤係鴨胸肉，雖然個部位係胸部，但係廚師都整得非常之嫩滑，呢一碟嘅建議係點芥末醬，我覺得有少少fushion嘅意味，，，，，；。
第三盆係鴨腿肉，鴨腿肉最適宜用傳統嘅食法， 將鴨腿肉蘸上甜麵醬放喺包皮上面，再放入蔥絲同青瓜絲包埋嚟食，又或者點藍莓醬，再包紫洋蔥同山楂條又得，得咗。
張貼
