藍象泰國餐廳 (已結業)

今日同好友出海港城行，朋友一早已book 了藍象泰國餐廳食Brunch Buffet，因朋友話好抵食。侍應安排可以望到無敵海景既位置進餐，真係好正，雖然唔係最近，但遠望都已經好開心啦Brunch Buffet 一個主菜，一杯飲品，仲可以加$98任食餓肝。Buffet table 有好多款，有泰式宮殿蒸餃子、素菜春卷、香茅炸蝦餅、青木瓜蝦干沙律、田園沙律、芒果糯米飯、泰式椰子雞湯、薑味朱古力蛋糕、忌廉泡芙、新鮮生果拼盤，好豐富，可以食到泰國不同款式既甜品同小食，一次過滿足我，而且餐廳refill 食物都好快！賣相非常精緻泰式椰子雞湯好足料，好香椰子味，忍唔住飲左幾碗食完小小小食甜品，主菜終於黎啦扒珍寶河蝦配油鬆餅（$288）好大隻，好多膏，河蝦肉質鮮甜彈牙，已幫忙起肉，輕輕整起已可以食用，油鬆餅沾上咖哩汁一齊食，好香好好味，油鬆餅不算太油膩。泰式烤美國肉眼扒配薯蓉羅望子汁（$288）烤了5成熟，好大塊，烤得剛剛好，牛味濃，好juicy ,配上羅望子汁，酸酸辣辣，幾惹味，薯蓉亦好滑。凍咖啡&凍檸茶