影片
更多
2023-06-10
164 瀏覽
喺愉景新城，一家大細好去處乜都有嘅愉景新城，新開咗炑八燒烤，同其他分店不同之處，呢度有烘焙工作坊，同埋佔地超大嘅波波池樂園，裝修非常之新，仲有好多細心位，非常值得黎。爐頭新設計，凹咗入去嘅燒烤爐，抽油煙喺旁邊，唔再係喺上邊吊一條麻鬼煩嘅抽氣管嘢落嚟，完全同對面係冇隔膜，同埋真係好乾淨，而家有三邊坑，唔使再怕小朋友唔食泡菜蛋要分開落，真係好細心。照舊前菜、蛋同芝士可以refill ，食住等嘅時候都已經Refill左一輪，飽咗一輪。不能夠不提先嘅係佢嘅遊樂場，有個夢幻波波池，大人都可以落去玩，瀡滑梯就免喇，有唔同嘅corner，有一部份係比較少嘅小朋友玩嘅sir滑梯千秋，另外其他基本野煮飯仔砌積木，仲有小朋友用要腳行嘅車車， signature嘅係有齊齊整整嘅ikea毛公仔系列，成日行過ikea都好想買但永遠都唔會買，而家一次過可以同晒所有公仔玩，真係開心。仲有換和服，職員好細心咁幫小朋友換上和服，男仔同女仔都有，男仔套裝仲有閔大人嘅帽，唔使去韓國整泡菜，黎炑八就已經有得換和服，唔使另外加錢㗎，一定要試吓，影返輯靚相。野食方面，燒野當然不錯，記得要嗌埋甜品，甜品好精緻，好吸引小朋友一定鍾意
喺愉景新城，一家大細好去處乜都有嘅愉景新城，新開咗炑八燒烤，同其他分店不同之處，呢度有烘焙工作坊，同埋佔地超大嘅波波池樂園，裝修非常之新，仲有好多細心位，非常值得黎。
爐頭新設計，凹咗入去嘅燒烤爐，抽油煙喺旁邊，唔再係喺上邊吊一條麻鬼煩嘅抽氣管嘢落嚟，完全同對面係冇隔膜，同埋真係好乾淨，而家有三邊坑，唔使再怕小朋友唔食泡菜蛋要分開落，真係好細心。
照舊前菜、蛋同芝士可以refill ，食住等嘅時候都已經Refill左一輪，飽咗一輪。
不能夠不提先嘅係佢嘅遊樂場，有個夢幻波波池，大人都可以落去玩，瀡滑梯就免喇，有唔同嘅corner，有一部份係比較少嘅小朋友玩嘅sir滑梯千秋，另外其他基本野煮飯仔砌積木，仲有小朋友用要腳行嘅車車， signature嘅係有齊齊整整嘅ikea毛公仔系列，成日行過ikea都好想買但永遠都唔會買，而家一次過可以同晒所有公仔玩，真係開心。
仲有換和服，職員好細心咁幫小朋友換上和服，男仔同女仔都有，男仔套裝仲有閔大人嘅帽，唔使去韓國整泡菜，黎炑八就已經有得換和服，唔使另外加錢㗎，一定要試吓，影返輯靚相。
野食方面，燒野當然不錯，記得要嗌埋甜品，甜品好精緻，好吸引小朋友一定鍾意。
韓國鰻魚
職員好細心，主動埋嚟幫手燒鰻魚， technique就係應該係皮嗰邊放咗落去之後唔好郁，等到佢差不多熟嘅時候先轉另一邊，轉另一邊嘅時候邊邊壓一壓落去，最後差不多熟嘅時候剪開細份再煎一煎就食得，然後加上醬汁，鰻魚中間有少許硬骨，小朋友食嘅時候要小心，肉質小脆嫩滑，一啲都唔會腥。
芝士炸雞全份
全份炸雞係真係好多，係有16件，夠一村人，底部有一層芝士，雞炸得好脆唔油，芝士唔會好漏，雞肉嫩滑無骨，細細件小朋友食剛剛好。
頂級霜降牛小排
油脂分布均勻，牛味濃，新設計一格格嘅燒爐可以燒出坑紋，色香味俱全。
韓國公主蛋包飯城堡
小朋友見到即刻話嘩一聲，個個都爭住話要食，半熟嘅蛋造成公主嘅裙，下面蕃茄汁飯，幾好食架，旁邊仲有薯仔蘿蔔，薯仔同蘿蔔煮得好淋，以為切到四四方方會係好爽口，好在唔係。
另外介紹返餐廳有提供一歲以下小朋友食嘅軟餐，就算係手抱b，家長們都可以輕輕鬆鬆食番餐，好貼心嘅餐廳。
小朋友玩完剛剛好返嚟，可以食甜品，不能錯過的甜品 ，價錢$100都唔使，好抵食。
水果迷你班戟
Pancake係類似雞蛋仔嘅size，甜到剛剛好，配上提子藍莓等等生果，擺盤非常精美，好好食。
水果忌廉三文治
三文治中間夾着日本水果，好cute嘅熊仔樣，雖然隻耳仔有時會跌出嚟，忌廉唔漏，中間水果非常juicy。
蘋果香蕉窩夫
青蘋果香蕉窩夫，上菜時已經崩壞咗嘅熊仔，但都睇得出佢係非常可愛，所以趁凍食，職員好細心，落單嘅時候remark左甜品叫上，窩夫同cream 加上香蕉最強嘅配搭，仲有雪糕同青蘋果，擺盤已經好吸引，味道都很好，甜品一流，玩完再食甜品，大人細路都好開心。
冷壓果汁 蘋果汁同橙汁
新鮮蘋果汁同橙汁，清甜健康美味。
大人細路都好開心嘅一日，全院滿座，平日咋喎，所以如果多人嚟嘅話記住要book枱。佢仲有個烘焙工作室，睇Menu好似都係二、三百蚊，好有興趣想試吓。
張貼
