Bellevue Bar and Grill (已結業)

油麻地既譽發廣場出名多野食，今晚返學前揀左呢度最高嗰層既西餐廳，呢度全境玻璃，境觀開揚，黎到太陽都未落山，可以望住個日落，最衰要返學，如果唔係，叫杯 Cocktail 坐下都幾chill。呢度有晚餐，不過冇隊友喺度我驚食唔晒，因為都幾多野食，所以只係叫左個頭盤同主菜。我叫咗個香煎鵝肝配焦糖蘋果配黑醋燒汁同埋油封鴨髀肉燴意大利飯。首先黎左個熱辣辣既包香煎鵝肝配焦糖蘋果配黑醋燒汁-擺盤靚，件鵝肝都幾厚，煎得外脆內滑，焦糖蘋果入晒味，再加埋士多啤梨，同黑醋汁係絕配。油封鴨髀肉燴意大利飯-鴨髀肉已經混入左意大利飯入面，個飯好好味，軟硬適中，飯入面仲有洋蔥碎，雜菌同埋芝士。