大瀛喜日本料理 (已結業)

想食放題又唔想咁貴, 最好就係食中午放題, 今日去左旺角呢間大瀛喜, 之前食過都十分唔錯, 令我今日都充滿期待!去到餐廳, 店員好快已經為我地安排好座位, 我地兩個人坐高身BAR枱四人位, 坐得鬆動又舒服出面有自助區, 分別有各式飲品有啤酒添! 凍海鮮都有, 仲有雪糕任拎!餐廳用QR CODE落單, 當然唔少得有刺身, 壽司, 炸物, 軍艦, 天婦羅, 一品料理, 其本上每次落單 食物都好快送到, 真係有效率刺身: 款式真係好多, 仲要每一樣都好新鮮, 其中我最鍾意吞拿魚, 因為佢新鮮得黎仲要冇根! 連蝦都有幾款比大家揀 當中虎蝦夠晒大隻又多膏! 之後就到壽司同軍艦, 佢既飯細細舊, 可以試多幾款, 其中必推帶子壽司, 帶子夠晒厚身!仲有大量既日式料理, 好似炸蝦天婦羅夠熱, 蝦肉又夠爽口, 牛肉鍋同蟹肉粥, 我都認為係必點項目! 今日呢個放題真係大滿足!