UMI

營業中

休息中

呢間café第一次黎既時候已經好鍾意，好難得喺銅鑼灣搵倒有無敵海景又價錢相宜既餐廳!所以今日又黎左食lunch。白桃柚子茶|佢做到甜飲既最境界，唔太甜! 白桃既甜味同柚子既清爽酸味相互平衡，好清新。芒芒甘露|呢款有啲似芒椰奶西，面層係厚厚既椰奶泡沫，底層係芒果汁同芒果肉，好岩夏天飲!M5和牛壽喜燒意大利飯|完全無喺其他餐廳見過呢個配搭! 意大利飯質地creamy又保留煙韌口感，再吸收哂壽喜燒醬汁既甜鹹風味，層次感十足。和牛肉質柔軟，肉味濃郁，仲好大塊!北海道帶子明太子意大利粉|賣相非常吸引!串燒帶子有炙燒過，外層微脆，內裡仲保持嫩滑，好鮮甜! 忌廉醬汁加入明太子同茄汁，甜甜辣辣，令人一啖接一啖食唔停口。意粉仲加入左好多配料，有蟹柳、蟹籽同蘑菇，口感豐富。是日甜品|藍莓芝士蛋糕，芝士蛋糕比較軟身，入口即溶，面層薄薄既藍莓醬中和番甜膩感。店員好有心機，普通一件蛋糕都加上大量裝飾，令人賞心悅目。