和牛燒肉‧純

期待已久既一間燒肉，主要係因為佢真係好高評價。所以，黎之前特登留一留肚，過黎好好試真D。今日牛係主角，所以特登揀左幾款黎試，分別係和牛排肉、極上牛排肉、牛舌。每樣又試下配唔好既汁，汁燒、鹽燒同蔥燒都有試過。最無敵係佢既極上牛排肉，無論係燒到幾成熟，都可以俾我感受到入口即溶，仲有好好彩既係我地配左鹽燒，好夾。而和牛排肉同牛舌就略嫌失望，無乜驚喜，和牛排肉仲要配左隻汁燒，汁燒偏鹹，蓋過左牛味，真係超唔建議揀汁燒。除左牛，今日都有試埋佢個豬頸肉同海鮮盛合。豬頸肉同鮑魚極之失望。帶子、蝦同魷魚都可以一試。順帶一提，呢度既白飯算係最大既敗筆，煮得太「削」，希望廚師今日只係一時失手。