影片
更多
2010-09-17
37 瀏覽
一直超想試BLT Steak，奈何苦無機會而且有點貴，如果平常日子去食好似有點兒奢侈。今日精神狀況非常差，碰著阿媽又放假不如同佢出下街去抖啖氣。尖沙咀係我地既目的地，係船上我一直係度諗究竟同媽媽食咩好，呀，不如食UCC，有自助沙律吧啱我，佢又鐘意飲咖啡，點知一落船行到去OT門口見到BLT個logo，個陣我仲未醒起佢個lunch buffet，不過「生理反應」驅使我行過去八下個lunch menu，呵呵，驚喜黎喇！Reception擺放左有關salad, appetizer and dessert buffet的宣傳品，$108！問一問receptionist buffet的供應時間，係由12:30pm至3pm，個時已經兩點鐘喇，我問下阿媽的意見佢話︰「好呀，咪試下囉！」嘻嘻，yeah，呢個就係我食BLT的第一次喇！天氣真係好好，我地被安排入座靠近outdoor的位置，餐廳又無咩人，陽光照入黎，好舒服。見時間唔多，媽媽又肚餓，我叫佢立即去拎野食而我就order左個chicken panini同cranberry juice。Buffet既選擇不多亦不少，啱啱好，比較大路的有Caesar
尖沙咀係我地既目的地，係船上我一直係度諗究竟同媽媽食咩好，呀，不如食UCC，有自助沙律吧啱我，佢又鐘意飲咖啡，點知一落船行到去OT門口見到BLT個logo，個陣我仲未醒起佢個lunch buffet，不過「生理反應」驅使我行過去八下個lunch menu，呵呵，驚喜黎喇！Reception擺放左有關salad, appetizer and dessert buffet的宣傳品，$108！問一問receptionist buffet的供應時間，係由12:30pm至3pm，個時已經兩點鐘喇，我問下阿媽的意見佢話︰「好呀，咪試下囉！」嘻嘻，yeah，呢個就係我食BLT的第一次喇！
天氣真係好好，我地被安排入座靠近outdoor的位置，餐廳又無咩人，陽光照入黎，好舒服。見時間唔多，媽媽又肚餓，我叫佢立即去拎野食而我就order左個chicken panini同cranberry juice。
Buffet既選擇不多亦不少，啱啱好，比較大路的有Caesar salad, mini spinach quiche，pasta with zucchini，都係我鐘意食既，質素都唔錯，驚喜見到有cold cut meat (Parma ham and salami) ，好開心。
其他款式仲有炸芝士波、香草燒蕃茄、椰菜沙律、紅菜頭西瓜等等，有好幾款我都無食，個紅菜頭西瓜就幾特別，好清新！食食下侍應遞上兩小個popover，係喎，我差d唔記得我係超想食呢個架，暖暖地，捌開先發現原來裡面係空心既，芝士味都夠濃，唔洗搽牛油都夠味喇，仲附上receipt真窩心呢，細看一下先知都幾難整，有興趣的朋友都可以挑戰一下。
我同媽媽食左兩碟已經好飽，有d後悔叫左個panini，呢一刻佢就黎喇。薯條面上刨有parmesan cheese，好特別，無試個呢種食法。Panini暖暖地不過包著佢個張紙充滿油漬，應該都幾油下。食落好香pesto味，原來飽底搽有一層pesto醬再放上火箭菜、沙樂美腸、雞肉及芝士，嘩，唔好見佢唔係好大件但加埋之前食落的頭盤，真係好飽、好飽同好飽。
我無睇清楚個menu只見如果要另叫三文治或漢堡飽要收費$168以其他扒類主食則要$228，心諗$168食個panini真係好貴。埋單的時間我先發現原來$168係已包括buffet$108的價錢，即係話個panini只係$60，好抵呀。
鯨吞左個panini之後休息左一陣，見距離收檔時候唔多，當然要試埋甜品啦，甜點的選擇反而唔多，只有四、五款，有chocolate and toffee rice treat，chocolate walnut pie，mini muffin，ginger cookie。個chocolate and toffee rice treat有少少似中國的「薩其馬」即係馬仔，不過幾甜，chocolate walnut pie幾好味，雖然又係幾甜，好在面頭的兩大粒黑朱古力中和番少少，mini muffin食唔出係咩味道又有d乾，反而外表唔吸引的ginger cookie食落又幾討好，好有薑味又帶點chewy。
唔得喇，真係非常之飽，所以要食番d生果清下腸胃，噢，不過已經差唔多被人攞哂喇，只係食左幾舊奇異果、橙同哈密瓜。
整體感覺幾好，食物種類多、質素又好，收費好合理，美中不足係服務唔太好，侍應姐姐全部無笑容，又唔會黑你面睇你唔起既不過唔知係咪好累，就係唔笑。攪笑事仲有一則，我叫埋單的時候見有個waiter哥哥黑黑地，捲有攣頭髮我以為佢係菲藉人士，我用英文同佢講野，佢有d surprise望番我跟住同我講中文，唔知係我英文差定係佢太似個mix呢，哈哈！
張貼
