辦館 (已結業)

尼間餐廳係商業大廈既一個平台位置，同我想像中既裝修環境好有出入，看似係間Bar但又係餐廳，樓底好高。果日得一檯客人，因為落雨，我無睇到佢出面露台既擺設。餐牌係中西合璧既食物，但今次黎主要想試下佢地個happy hour，聽朋友講過話佢地係五點到七點會有$5蚊，指定酒精飲品既價惠，點知我同友人入去坐底，先知道佢地酒牌過左期，仲申請緊酒牌，現階段無得賣酒，要顧客自己BYOB (Bring Your Own Bottle)。我同友人係準備點餐既時候，服務員有推薦話薯條好食。因為我地要坐等另外一個朋友，於是點左一份黑松露薯條當小食食住先。另外餐牌都寫明，因為健康同安全理由，唔會提供飲用水，要額外叫樽裝水或飲品。佢地有五款無酒精既特飲，一杯要$88，一Jar要$280，我地都揀唔岩，無嗌到其他飲品，淨食薯條，喉嚨就越食越乾。最後等到個朋友黎，覺得個餐廳個環境好奇怪，坐得唔舒服，又見餐牌唔係好特色，唔多吸引，又無酒精飲料提供。到賣單既時間，d服務員好似唔見曬咁，叫極都無人應。各種原因，我們仨決定轉場搵過另一間餐廳。