滔滔甜品

元朗糖水鋪林立，要殺出重圍唔容易，當西、日式甜點大行其道時，傳統中式糖水依然有佢既存在價值！呢個新開無耐既滔滔甜品以懷舊為主，裝修充滿90年代涼茶鋪既感覺，售賣既都係家常糖水。

石磨芝麻糊湯圓

$27

中式糖水無咩花巧野，最講真材實料。呢個芝麻糊好香濃，都幾杰，唔會水汪汪，又唔會太甜，食完成碗都唔會好膩。湯圓就不過不失，都算幾QQ!

紅豆沙加芋圓

$24

紅豆沙食得出比左好多火喉去煲，紅豆起哂沙，有少少陳皮既香味，而手工芋圓都唔錯，Q軟煙韌，幾有咬感，加落紅豆沙都幾match 。

芒果黑珍珠

芒果黑珍珠都唔錯，可惜芒果唔係當造季節，所以唔係好甜。

總括而言，如果晚飯後唔想又哂幾十蚊食個心太軟呀窩夫之類，可以平平地食下中式糖水，好有意外之喜。