一本‧串里 (已結業)

我同男朋友兩個黎食晚餐，叫幾樣野就夠晒，好滿足！我地先叫佐果鵝肝肥牛炒飯，一碟炒飯好大碟，份量好多，兩個人食真係會勁飽呀！鵝肝同肥牛都切佐粒，肥牛既油脂同鵝肝既油滲晒落炒飯，粒粒飯都好香，牛肉好腍，鵝肝好綿滑，仲有啲瑤柱絲，成個飯口感勁豐富，兩個人真係會幾飽，不過又未到滯，因為真係好好食(≧▽≦)我地另外試埋日本磯煮鮑魚，磯煮就係用日式醬油同昆布慢火將鮑魚炆煮，鮑魚好鮮嫩，醬汁都鮮甜香濃，鮑魚入晒味，仲要大大隻，食得好滋味(^o^)最後為食既我地叫埋活鰻串，估唔到係咁新鮮咁鮮味，鰻魚有醃過，鮮味得黎唔會腥，魚肉幾大舊，但燒完啲魚肉仲幾嫩滑，少少咸，魚皮又脆，得呀( ^ω^ )