西貢星越泰風味館 (已結業)

等唔到位黎左隔離嘅西貢星，其實之前食過幾次都覺得麻麻，今次亦不例外。香茅雞肉湯河，料唔少但無味，雞肉鞋，河粉很黏口，好少粉，唔夠飽。扎肉粟米炒飯，勁少料同細碟，色淡成咁都估到又係無味，好在唔算油，唔使五分鐘食完，一啲都唔飽。餐飲要了可樂，加四蚊，之前試過啲野飲難飲，今次穩陣啲揀汽水。一叫即到嘅食物，好明顯係整定，唔夠熱嘅野已經扣哂分，仲要唔好食。新裝修過，好坐左，但依然好迫同零服務，其實一張圓枱(譚仔size)真係有必要坐八個人？而且隔離有吉枱，都唔明點解一定要咁迫。