西貢星越泰風味館 (已結業)

第一次嚟食阿姐企係門口話有位呀！好啦嚟試試先，午餐咩都有湯粉、撈檬、海南雞飯...最後我哋點咗越南生牛肉湯粉同豬頸肉撈檬加魚餅。生牛肉好嫩羅白好甜夠林豬頸肉撈檬都好正，煎得好香而魚餅有啲辣。今餐價錢唔貴又好食~~~下次再嚟試其他！

近排喺沙田第一城發現到一間又平又幾好食嘅越南粉☺️ 本來諗住食完下次會再食 但原來做到九月尾就結業啦🤷‍♂️ 可惜🤷‍♀️男朋友要咗個生牛肉湯金邊粉💁‍♂️ 我就想要個香茅牛肉湯檬💁‍♀️ 不過姐姐落單落錯咗 俾咗個生牛肉湯檬我😂 所以我同男朋友又食埋一樣嘅嘢啦🤷‍♀️🤣🤣牛肉嘅份量都可以接受 唔算少💁‍♀️ 亦都真係生牛肉 食落幾嫩幾有牛味！湯底都幾濃💁‍♂️ 但咸左少少💁‍♂️💁‍♂️ 晚餐$48咁大碗仲包餐飲 真係幾抵！💁‍♀️食嘅時候仲見到隔離枱打邊爐🤣 冬陰湯底火鍋💁‍♂️ 不過我覺得火鍋就吉野家最抵最好食了😝

黎到沙田搵朋友，順便食埋午餐。去咗第一城商場一間叫西貢星既泰式餐廳，難得假日餐廳唔算好多人，唔使等位就可以入座。 午餐粉麵飯包野飲，價錢合理。 我哋三個人，每人叫左一個餐。雞柳炒金邊粉 都幾大碟下，好多雞柳粒，碟粉味道幾好喎，比想像中好食......... 泰式咖哩雞柳飯大大碗咖哩，有薯仔同埋大大舊雞柳。咖哩唔算太辣，撈飯食一流！香茅豬扒撈檬豬扒煎得夠乾身，好香香茅味。檬粉亦都夠多， 撈檬汁甜酸度適中，味道不錯！

泰式咖喱魚柳飯 $51 配熱飲 送時菜上星期中午來了第一城吃午餐，經過這間看到午餐價錢合理，就進去試試看。下單後才發現原來這個飯還附送時菜，原以為只有幾條菜吧，怎料份量也挺多的，單叫也要十多元吧，這個餐感覺很抵吃！而泰式咖喱魚柳也不遜色，一眼便看見有好幾件薯仔在上面，下面就墊住許多炸魚柳，份量比想像中要多呢，炸魚柳味道正常，炸粉不是很厚的，而泰式咖喱汁味道也相當不錯，味道挺香濃和惹味，也帶著些泰國風味的味道，或許是用上了泰國材料來調製吧，辣度大概屬微辣程度，不會很辣的。

今日黎開第一城番工，到左食飯時間梗係要醫下個肚啦。 第一城出名多野食，而今次我就去左西貢星度食越南香茅牛肉湯河，係一個套餐黎既(HKD 41)配左杯熱華田。佢既menu度好多午餐精選，價錢都算經濟實惠，所以你可以見到連學生哥放lunch都會黎食，食店內座無虛席。等左大概10分鐘，熱辣辣既牛肉河就上碟，牛河上有蔥花同香葉。賣相尚算可以，分量就一般大。牛肉係半肥瘦既，味道唔錯，湯底就略為油膩左同比較濃味。 阿華田就不過不失，如果有埋代糖就更加好。

今日去咗威爾斯探病，之後行過第一城醫肚，時間剛剛好，去到第一城可以食到下午茶餐了。近年多咗越式湯粉的食店，好似每個商場都梗有一間咁，對於我來說都幾好，因為湯粉比較濕，唔會太過飽飽。同個朋友兩個人，一人一個餐，方便又實惠。越式生牛肉湯粉：我本身係好牛人士，所以揀好LEE個，牛肉真係好生，不過湯底好夠熱，不需一會就熟透了；湯底係偏鹹了點，但都可以接受；我揀咗金邊粉，因為佢有些近似河粉，幼身一點，無河粉咁飽，所以可以食得晒，唔會浪費；睇相就知，佢比咗好多蒽，如果今日老公陪我食又唔記得走青就大件事啦！香茅滑雞湯粉：可能係用香茅，所以雞肉唔係想像中的滑，但味道都可以啦！

下午茶$22，非餐（沒有飲品）不用加一。越式豬肉包究竟是怎麼樣的呢？原來是這樣的！正面再看真D~一片片豬肉，足料。是平時吃飯的豬肉片。有D生菜，同千島醬。個人覺得味道配搭ok，但不是我喜歡的味道，所以不會再吃了。只是覺得有趣叫來試下。

一連幾天都在石門用膳，今天去第一城吃午飯吧。今次吃的茶餐廳綜合了新加坡、越南和泰國菜的菜式。平時最怕聽到餐廳籠統的稱自己賣幾國菜，通常，我指通常這些餐廳的菜式都不會出色得哪裡去，更何況是茶餐廳不過餐廳門口裝修得頗體面，味道怎樣？先賣個關子。茶餐廳以大檯為主，而且數量不少，有點像酒樓的格局。餐廳每日的午餐都不一樣，有一樣好處，令人吃不厭，可以每天在這裡用餐，前提是食物質素要及格。午餐有9個選擇，有湯粉或飯，午餐來說選擇算多，送熱飲，凍飲加3元，汽水加5元。越式炒河我點了越式炒河，配阿華田，不用額外加錢。這碟炒河，只能說較為惜料。炒河很大一碟，河粉比較幼身，欠缺了鑊氣，而且炒得不夠乾身，吃到底留下不少油跡。另外配料幾乎是零，一般會加入芽菜和牛肉，今次只有兩片魚片和些小蛋碎，相當無癮。以往吃過的越式河粉，也有素炒的，雖是素炒，也不會偷工減料的，配料有芽菜、蔥、洋蔥或香菇等，這碟越式炒河我就不太滿意了，有減料之嫌。海南雞飯這碟海南雞飯有一隻雞腿和半碟菜，味道過得去。但時菜比較油膩，而且煮得太軟。蝦頭油海鮮炒飯這碟炒飯和炒河有異曲同工之「妙」。妙在照片所見，蝦頭只有幾粒，可見這家餐廳在用料上十分

好耐無去第一城！十年人事都幾翻新！從前既m記都已經轉埋位，行下行下，得番美好快餐，同呢間！下午茶時間，食左炒貴刁，36蚊，有野飲，仲想點？好過好多茶餐廳了！起碼食到一番人情味！

今日(4-8-2017 Fri)最後一次維修，原本睇吓女同事CY出唔出嚟食飯，最後佢都係想瞓覺而唔出嚟，於是得我一個食。河畔花園嗰邊選擇唔多，於是行嚟第一城睇，冇乜西餐，一樓嘅西餐同ASAP又已經食過，唔再試啦，再搵。台灣麵，原來台灣麵晏晝真係只有台灣嘢食，我又唔想食。見到呢間越南嘢，睇吓有冇嘢啱食，好似都有，而且價錢可以接受，於是入去。再睇完menu，決定喺咕嚕班腩同泰式濕炒豬肉河中揀，但要問問後者辣唔辣。問咗，女侍應答可以走辣，就咁決定，餐飲要熱奶茶，因為冷氣比較大。奶茶嚟到，飲吓先，有茶味，落半包糖再飲，澀。再落少少飲，都係澀。冇耐，泰式濕炒豬肉河到嚟，份量唔少，汁(份量多到就嚟變湯)嘅顏色幾深，配料都有黃牙白，食落，河粉好滑，肉片亦鬆軟，而味道，就係豉油嘅鹹甜，完全冇晒泰式味道，我只要求走辣，冇話轉為港式啊，就算轉為港式，都唔係只有豉油同糖卦?衛生:3.5分，抵食:2.5分

黎到沙田第一城，唔知食咩，最後揀左依間越南餐廳。我叫左個乾炒牛河，老公叫左個炒貴刁。碟炒貴刁上黎先，都幾辣，但辣得黎都係得個辣字，炒得唔名香，又無味！配料除左雞蛋，仲有扎肉。但雞蛋都被辣味淹蓋，又炒得唔夠香。扎肉原本都無咩味，而且切得太幼，無咩口感。再上碟乾炒牛河，一見到：唔無嘛，同貴刁一樣樣既！？！係d 顏色唔同！一個黃色！一個黑色。炒得唔夠鑊氣，牛肉調味唔夠！早知除左個顏色一樣，麵底一樣既，我唔會同時叫依個配搭😲再叫左杯檸檬茶，都係個個評語：檸檬唔係差，茶唔係翻幾次既都唔會點衰。

作為一個沙田友，係屋企附近最近就係沙田第一城，講起越南菜就一定係呢間😋清明節放假，避開左正日去掃墓因為人多，就去左附近行吓、食吓嘢。我同屋企人共三人，12點前入座所以唔洗等位。lunch set有得揀飯、檬粉或者河粉，配搭跟咖喱、越南扎肉、香茅豬排等；另外可以加$12有雞翼、油菜、炸春卷、魚餅等小食，選擇豐富。我地叫左三碗越南河粉，加左雞翼、春卷同魚餅，另外散叫左個馬拉盞炒通菜同埋3杯熱越南滴漏咖啡（咖啡跟餐叫就半價）☕️正👍🏻D嘢食都黎得快，材料夠新鮮，我最鍾意佢個魚餅，可能因為我鍾意食香草味嘅嘢😋overall 係一個又快又好食又廉價嘅lunch。

以前係第一城番工，其實經過好多次。不過一直都冇入去食，因為對面有快靚正嘅吉野家XP今次終於行左入去試。.兩條友叫左一條魚，一個海南雞飯，一碟菜。份量唔算少，正常人岩岩好夠食。係遇着我地兩個咁大食就差少少啦！.嘅雞油飯軟硬度屬中間偏軟，同埋唔太夠油淋淋嘅感覺！姐係一係怕肥唔飯，一食就緊係油啲會爽啲正啲！健康少少囉，唔係差嘅。雞方面，口感幾好，不過味就夠合格姐！都係個句啦！食雞一定唔可以食到雪味同時要食到啖啖嘅雞肉香味！雖然佢冇雪味，但雞肉味稍微淡左啲。不過雞肉都夠嫩夠滑，唔會柴口。所以整體係合格嘅。.因為本身好鍾意飲冬陰公，所以明知自己太高要求，都照叫左個黎試。其實都係志在過下癮，因為太耐冇過泰國飲啦！不過佢都算唔差，微酸不過唔辣。因為連食唔到十小辣嘅NoOne都食得到。香茅味稍微輕左啲，如果可以濃少少就好啦！椰奶嘅份量控制得幾好。最怕就係個啲起勢咁落椰奶嘅餐廳。好彩咦到冇事。

今日放工後又同男朋友黎第一城揾食，見到有間食越南泰國菜的，又似又幾吸引，就貢左入去。間餐廳都幾大，就算坐二人枱亦一點都不侷促。有「黃昏晚餐」選擇，價錢仲相當抵。男朋友點左個「瑤柱雞柳籠仔飯」（$54），一上桌就香氣四溢，雞柳肉質好嫩滑，仲隱隱約約食到香茅的味道，夠晒風味！我點的是「香茅豬肉拼春卷湯河」（$42），個味道非常之好，而且個湯夠熱！不過就鹹左少少。我亦好欣賞佢個春卷，外皮炸得又穌又脆，又唔會太油膩。小食方面，我地點左「沙爹牛柳」（$68），一碟四串。沙爹醬微辣，牛柳出奇地腍，又唔乾，真心做得好過好多泰菜餐館。「椰汁紅豆冰」、「椰汁西米涼粉冰」，兩杯都好正路，大大杯，抵飲！最後我哋仲嗌咗甜品「椰汁芋頭西米糕」，今餐大滿足！

天氣時冷時熱，今日就熱到24度，相約友人一起跑步，就去好小到嘅第一城中心食晚飯再沿城門河跑。就剛見到有間越式菜有凍檬就入去食下。睇餐牌，越南野一見生蝦必食仲做緊特價由78減10元就叫黎食下開下胃先生蝦好食，不外乎兩樣野，就係生蝦要生鮮彈牙，個醬汁岀色。一上枱睇個賣相都可以，正正常常，食落爽口，不過要講個醬汁真係有驚喜一般食生蝦個醬汁都係酸酸甜甜甘嘅味道，我自己都食過無數次越式味道，依個醬汁係多左個層次感，先酸再辣再甜，果種辣又唔太辣不過越食越辣甘，好開胃，有種越食越想食嘅口味，正我友人就叫左個豬扒撈檬，加入另一款為撈檬而設嘅汁食味道唔錯，豬扒都算幾香茅依款豬頸肉有青瓜伴碟食落口感好青新，不過本身個豬頸肉比較厚身，食落好想食豬扒嘅感覺。兩個人叫四款菜式，最後一定要食番小小蔬菜嘅，我就叫左通菜食，食落幾香口，份量都算幾多，唔錯。两個人食四款每人都係百零都算平民化嘅價錢，特色晚餐嘅享受又唔會太飽又美味可口，步行一個鐘倒就可以再努力跑步了