影片
更多
2022-11-22
16 瀏覽
雖然生日過左都就一個月，但都繼續有得食😂朋友帶我到焰這間新張嘅餐廳，品嚐下佢地多元化嘅菜式，每位980@比起動郁要$2000元嘅omakase, 性價比相當高😍 餐廳裝潢好有心思，視覺效果滿分🔥🔥，岀品亦見創意及誠意，整體不錯！精品先付三品先食糖心番薯，清甜好食，再食煙三文魚配蜜瓜，上面有黑魚籽，蜜瓜剛好中和三文魚嘅魚油味，感覺清新，配搭新穎，而上面嘅黑魚籽有畫龍點睛嘅效果蟹膏豆腐，蟹膏經過火炙，質感和豆腐完美融合，有豆味之餘仲有蟹膏嘅鮮香回甘味，令人食指大動🥹刺身三點深海池魚，牡丹蝦🦐，赤身擺盤極有心思，刺身放在魚缸上好吸睛，睇住條魚游嚟游去好開心，整個畫面都好靚，燈光仲可以調教成不同顏色，啱晒我哋瘋狂打卡😆😆。池魚鮮香肥美，魚肉細膩，牡丹蝦鮮味十足，啖啖肉，赤身重魚味，質感較結實。本身係季節蟹肉順菜凍，不過餐廳新張未有住，轉左和牛刺身卷，入面卷住紫洋蔥🧅，可以減一減牛脂嘅膩感，沾少少意大利醋，更添清新。🥢鮑魚肝醬可以先食鮑魚，鮑魚軟淋得嚟有嚼勁，煮得入味，再沾一點質感creamy帶少少忌廉味嘅肝醬，滿滿甘香。再以鮑魚高湯整成嘅啫喱連飯食，甜中帶鮮，好有創意😋🥚鵝肝茶碗蒸鵝肝已混入
餐廳裝潢好有心思，視覺效果滿分🔥🔥，岀品亦見創意及誠意，整體不錯！
精品先付三品先食糖心番薯，清甜好食，再食煙三文魚配蜜瓜，上面有黑魚籽，蜜瓜剛好中和三文魚嘅魚油味，感覺清新，配搭新穎，而上面嘅黑魚籽有畫龍點睛嘅效果
蟹膏豆腐，蟹膏經過火炙，質感和豆腐完美融合，有豆味之餘仲有蟹膏嘅鮮香回甘味，令人食指大動🥹
刺身三點深海池魚，牡丹蝦🦐，赤身
擺盤極有心思，刺身放在魚缸上好吸睛，睇住條魚游嚟游去好開心，整個畫面都好靚，燈光仲可以調教成不同顏色，啱晒我哋瘋狂打卡😆😆。
池魚鮮香肥美，魚肉細膩，牡丹蝦鮮味十足，啖啖肉，赤身重魚味，質感較結實。
本身係季節蟹肉順菜凍，不過餐廳新張未有住，轉左和牛刺身卷，入面卷住紫洋蔥🧅，可以減一減牛脂嘅膩感，沾少少意大利醋，更添清新。
🥢鮑魚肝醬可以先食鮑魚，鮑魚軟淋得嚟有嚼勁，煮得入味，再沾一點質感creamy帶少少忌廉味嘅肝醬，滿滿甘香。
再以鮑魚高湯整成嘅啫喱連飯食，甜中帶鮮，好有創意😋
🥚鵝肝茶碗蒸鵝肝已混入蛋中蒸，鵝肝味和蛋香不會互搶，互相融合。上面有少許Wasabi柚子粉，可去一去鵝肝油膩感。
Wasabi可先撈匀蛋上高湯，之後再連蛋食，熱辣辣好滑溜，超讚🥹
🐮炭燻牛舌牛舌四邊碳粉過，再放炭於牛舌上炭燻一會，炭味重啲，蘸上法式芥末醬，又幾夾喎。
蘆筍加了黑松露炒過，爽口好食。
沙律酸甜去膩，咁嘅配菜好唔錯。
七味醬油烧帆立貝都未有，餐廳改為🐮和牛他他，牛小排，不過都絕無欺場。熟嘅牛小排配和牛他他，入面夾住紫蘇葉，黃蘿蔔，用紫菜捲起後用小手托著，快快打完卡就要食，唔係紫菜淋左就冇咁好食喇，整體脆爽，口感味道層次豐富👍🏼
🐟季節幽庵燒燒秋刀魚，紫蘇葉,柚子皮 添清新
燒過後嘅秋刀魚，外皮微脆，鮮肉鮮甜，魚油迫岀，滿滿油香，加了紫蘇葉去一去油膩感。秋葵長芋蓉質感creamy, 滑潺潺幾得意
🐄 壽喜汁精選和牛肉眼薄燒牛肉油花好靚，入口軟嫩，牛味重，有芋絲，豆腐，南瓜🎃同娃娃菜和壽喜燒湯一齊煮，索哂個湯，好正😘
🐮日本玉子塩漬精選和牛柳粒和牛柳粒肉質軟嫩，入口即溶，沾一點用鹽醃過嘅日本蛋黃，又幾特别。原個蒜頭已調味 ，佐酒一流，
🥢海鮮土瓶燒香深海池魚
食到尾段，最啱就係飲番個熱辣辣嘅湯。深海池魚用威士忌酒煮過，酒香於口腔中營繞，仲有蝦仁同雜菌，味道清甜，好暖胃呀。
🥢梅子冷素麵都飽飽地，選了梅子冷麵，可按喜好加點梅子醬，增加酸味，麵條清爽，掛著梅子冷麵汁，都幾解膩同開胃，大食男仔可揀月見吉列和牛他他飯堡，夠晒飽👍🏼
雲呢拿雪糕配哈密瓜🍈甜品係香甜多汁嘅哈蜜瓜，雲呢拿雪糕係靚貨，見到有粒粒嘅雲呢拿籽，冰凍軟滑，為呢餐劃上完美句號。
張貼
