汀汀烤活魚 (已結業)

荃灣搵野食，五花八門任君選擇。之前聽朋友講，荃灣汀汀烤活魚可以一試，今晚連朋友一行四人就決定去呢間試一試。平日晚飯時間唔算迫爆，坐得舒服。今晚餐單主角烤桂花魚（麻辣酸菜-微辣），賣相吸引，味濃量足，都唔錯；尤其烤魚起骨都乾淨，減少麻煩又食得滋味。另外我地都有叫火鍋配料，用烤魚湯底打邊爐，蔬菜新鮮靚賣相，手切牛魔王肉質油脂一啲都唔差，入口柔嫩滋味，朋友滾到熟晒都唔老，就抵攞一個讚。食下食下唔夠喉，大家想試埋雞煲。於是叫左半隻雞，咦！又有驚喜喎！入味又炒得有鑊氣，唔洗十五分鐘，清煲，連配料都食埋😂額外一提，老闆娘風趣健談，員工服務態度都幾好，餐廳本身唔限時，同朋友聚舊又食飽飽，今晚整體感覺良好，食得開心，推一個。