十二鍋 (已結業)

放工嚟咗尖沙咀佐敦食晚餐，兩個人心思思想打下邊爐，但附近嘅火鍋放題都爆曬棚，只好搵間仲有位嘅餐廳填飽個肚啦！經過呢間餐廳，見到仲有位，而且又有鍋物，就決定揀呢間啦！呢間餐廳都有幾多款唔同嘅鍋物配搭，我就揀咗個牛乳美肌鍋，睇落清清地夠哂健康！呢個鍋嘅配料有花膠、淮山、蟲草花，睇落真係幾滋補！另外仲有啲丸、蛋餃、豆腐同菜嘅配料，食哂都夠飽。我哋之後仲追加左一份牛肉同鹽酥雞，牛肉質素好靚，好鮮色，食落都重牛味。鹽酥雞好夠熱，炸完都仲有啲肉汁，唔會好乾。呢間餐廳食落去正正常常，可以過下打邊爐嘅癮已經好滿足！